Úkimet Túrkıaǵa qosymsha 55 tonnaǵa jýyq gýmanıtarlyq júk jiberetin boldy
Qazaqstandyqtar Túrkıadaǵy joıqyn zilzaladan zardap shekkenderge 3,6 mln dollardan astam qarajat jınap berdi, dep habarlaıdy Almaty-akshamy.kz túrik eliniń Qazaqstandaǵy Elshiligine silteme jasap.
«Jer silkinisinen zardap shekkenderge arnalǵan kómek shotyna búgin Qazaqstanda jınalǵan 216 myń AQSH dollary AFAD-tyń (Túrkıanyń tótenshe jaǵdaılar basqarmasy – red.) resmı shotyna aýdaryldy. Osylaısha, qaıyrymdylyqtyń jalpy kólemi 3 mln 616 myń AQSH dollaryn qurady», - delingen Túrkıa Elshiliginiń málimetinde.
Buǵan deıin Elshilik: «Qazaq baýyrlarymyz qaıyrymdylyq retinde bergen 84 ulttyq qazaq úıi jer silkinisinen zardap shekkenderge kómek retinde apat ornyna jetkizildi», - dep jazǵan edi.
Eske salaıyq, Prezıdent Qasym-Jomart Toqaevtyń tapsyrmasymen Túrkıa Respýblıkasyna gýmanıtarlyq kómek retinde 1 mln dollar bólingen edi. 15 aqpan kúni belgili bolǵandaı, Úkimet atalǵan elge qosymsha 55 tonnaǵa jýyq gýmanıtarlyq júk jiberetin boldy.
Búginge deıin qazaqstandyq qutqarýshylar úıindiler astynan 7 adamdy qutqaryp, 88 adamnyń máıitin alyp shyqty.
Sońǵy málimetke sáıkes, 6 aqpan kúni bolǵan zilzaladan kóz jumǵandar sany 35 myńnan asty.