Jartylaı qorǵaýshy Ǵalymjan Kenjebek qysqy transfer kezinde komanda aýystyrýy múmkin, dep habarlaıdy aqshamnews.kz
22 jastaǵy vıngerge Ispanıa Segýndasyndaǵy (ekinshi dıvızıon) jáne Slovakıa chempıonatyndaǵy bir klýb qyzyǵýshylyq tanytyp otyr. Qazirgi tańda taraptar arasynda kelissózder júrip jatyr. Fýtbolshynyń ózi Ispanıaǵa barǵysy keledi. Al slovakıalyq klýb barynsha tıimdi usynys jasap otyrǵan kórinedi.
Ǵalymjan qazir Kıprdiń "Akrıtas" komandasynda oınap júr. Bıylǵy maýsymda 13 machqa qatysyp, 5 gol soqty. Ol "Qaırat" fýtbol mektebiniń túlegi.