Kóp qabatty úıdegi avtoturaqtyń dızaıny men fýnksıonaldyǵyn ózgertýge tyıym salyndy.
Sonymen qatar, qurylys salýshylarǵa tirkelmegen páterlerdi, turǵyn emes úı-jaılardy, avtoturaqtardy, qoıma bólmelerin jeke menshikke satýǵa bolmaıdy, dep habarlaıdy Almaty-akshamy.kz
Májilis depýtattary turǵyn úı-kommýnaldyq sharýashylyq máseleleri boıynsha túzetýlerdi maquldady.
Májilis otyrysynda depýtat Ekaterına Smyshláeva zań jobasy jergilikti atqarýshy organdarǵa kondomınıým nysandaryn tirkeý quqyǵyn beretinin atap ótti. Basqarý nysany tańdalmaǵan jaǵdaıda, ákimdikter ýaqytsha basqarýshy kompanıany taǵaıyndaı alady.
«16 páterge deıingi shaǵyn úıler úshin basqarýdyń úshinshi túri – tikeleı birlesken basqarý qarastyrylsyn. Mundaı úıler «bir úı - bir esep» qaǵıdatyn saqtaı otyryp, birigip, bir basqarýshy qoıa alady», - dedi depýtat.
Sonymen qatar, qurylys salýshylarǵa tirkelmegen páterlerdi, turǵyn emes úı-jaılardy, avtoturaqtardy, qoıma bólmelerin jeke menshikke satýǵa tyıym salynady, osylaısha olar áleýetti kondomınıým jáne ortaq menshik nysandaryn óz betimen ıelene almaıdy. Kóp qabatty úıdegi avtoturaqtyń dızaıny men fýnksıonaldyǵyn ózgertýge tyıym salyndy.
Sondaı-aq, menshik ıelerinen bereshekti óndirip alý týraly atqarý paraǵyn oryndaý endi olardyń jyljymaıtyn múlki ornalasqan jeri boıynsha júzege asyrylady.