Qazaqstanda tórt "jasyl" elektr stansa salynady, - dep habarlaıdy aqshamnews.kz tilshisi.
Májilis 2024 jylǵy 12 qarashada Baký qalasynda qol qoıylǵan Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy jańartylatyn energıa kózderi (JEK) salasyndaǵy jobalardy iske asyrý týraly kelisimdi ratıfıkasıalady.
Qujat aıasynda taraptar jahandyq jylynýmen kúresý maqsatynda Qazaqstan Respýblıkasynyń aýmaǵynda jańartylatyn energıa kózderi men turaqty damý salasyndaǵy jobalardy ilgeriletý, ázirleý jáne júzege asyrý úshin kúsh biriktiredi.
Kelisimge sáıkes jıyntyq qýaty 1,5 GVt bolatyn úsh jel elektr stansıasy/stansasy jáne qýaty 0,3 GVt bolatyn bir kún elektr stansıasy salynady. Jobalar Qaraǵandy, Túrkistan jáne Pavlodar oblystarynda iske asyrylatyn bolady.
Nátıjesinde 100-den astam turaqty jáne shamamen 1500 ýaqytsha jumys orny ashylady, 2 mlrd AQSH dollarynan astam ınvestısıa tartylady, sondaı-aq jyl saıyn 5,7 mlrd kVt/saǵattan astam "jasyl" elektr energıasy óndiriledi. Qazaqstan tarapynan birlesken ınvestor retinde "Samuryq-Energo" aksıonerlik qoǵamy qatysady.
Bul jobalardy júzege asyrý jańartylatyn energıa kózderiniń úlesi boıynsha ındıkatıvtik kórsetkishterdi (onyń ishinde 2030 jylǵa qaraı 15%-ǵa jetý maqsaty) oryndaýdy qamtamasyz etip, ulttyq strategıalyq qujattarda bekitilgen Qazaqstan Respýblıkasynyń kómirtekti beıtaraptyq maqsatyna qol jetkizýge eleýli úles qosady.
Qazaqstanda tórt "jasyl" elektr stansa salynady
- 11:32, 28 qańtar 2026
depositphotos.com