24 qańtarda Almaty qalasy Qoǵamdyq densaulyq saqtau basqarmasynyń basshysy Marat Pashımov №2 Balalar qalalyq klınıkalyq auruhanasyna jūmys sapary barysynda 2025 jylǵy medıtsınalyq qyzmet kórsetudíń esebín tyńdap, odan árí damudyń negízgí basym baǵyttaryn belgíledí.
Esepte klınıkalyq, qarjylyq jáne ūıymdastyrushylyq kórsetkíshter tolyq ūsynyldy. Marat Pashımov medıtsınalyq-sanıtarlyq alǵashqy kómek pen balalar statsıonarlarynyń ózara ís-qımylyn kúsheıtu, jas mamandardyń kásíbı bílíktílígín arttyru, patsıentterdíń qanaǵattanushylyǵyn joǵarylatu jáne shaǵymdy azaıtu jūmystaryn júıelendíru qajettígín atap óttí. Sondaı-aq, balalarǵa sapaly jáne qoljetímdí statsıonarlyq kómek kórsetudíń mańyzyna toqtaldy.
№2 Balalar qalalyq klınıkalyq auruhanasy josparly, shūǵyl, ońaltu jáne konsultatsıyalyq-dıagnostıkalyq kómek kórsetetín jetekshí medıtsınalyq ūıym sanalady. 2025 jyly statsıonarlyq kómek kólemí 4,3%-ǵa, josparly emdeuge jatqyzu 2,3%-ǵa artty. Bír jyl íshínde 3 500-den astam ota jasalyp, 20-dan astam ınnovatsıyalyq emdeu ádísí engízíldí, olardyń bír bólígí Qazaqstanda tek osy auruhanada qoldanylady. Jabdyqtarmen qamtylu kórsetkíshí – 98,08%, kadrlyq qamtamasyz etu – 99%.
2026 jyly auruhananyń basty basymdyqtary retínde hırurgıyalyq belsendílíktí arttyru, salalyq kafedralarmen ózara ís-qımyldy damytu, jańa korpus qūrylysynyń monıtorıngín júrgízu, 15 oryndyq pallıatıvtík bólímshe ashu, alty qūzyrettílík ortalyǵyn qūru jáne EEG-tí avtomatty túrde túsíndíru úshín ZiyatronAI júıesín engízu kózdelgen.
Kezdesu qorytyndysy boıynsha Marat Pashımov qūzyrettílík ortalyqtaryn damytu, pallıatıvtík kómektí ońtaılandyru, halyqaralyq ǵylymı-tájírıbelík yntymaqtastyqty keńeıtu, medıtsınalyq turızmdí damytu, ınnovatsıyalardy engízu jáne klınıkanyń ınfraqūrylymyn jańǵyrtudy jalǵastyrudy tapsyrdy.