"Almaty" ÁKK" AQ áleýmettik mańyzy bar azyq-túlik taýarlary (ÁMAT) baǵasyn turaqtandyrý tetikterin iske asyrý aıasynda kásipkerlik sýbektilerine jeńildetilgen nesıe berý úshin ótinim qabyldaýdyń bastalǵanyn habarlaıdy.
Nesıe jyldyq 0,01% mólsherlememen aınalym qarajatyn tolyqtyrýǵa berilip, kásipkerlerge shıkizat satyp alý, qyzmetterge aqy tóleý, eńbekaqy, logıstıka syndy negizgi óndiristik jáne basqa da shyǵyndardy jabýǵa múmkindik beredi.
Óndirýshiler men rıteılerler óz kezeginde ÁMAT baǵasyn ustap turý boıynsha mindettelediy. Jetkizý kólemin kásipker ózi aıqyndaıdy, alaıda nesıe alý kezinde belgili bir merzimge saýda sórelerindegi baǵany bekitýge mindetteledi. Nesıe úsh aıdan úsh jylǵa deıingi merzimge beriledi.
Jeńildetilgen qarjylandyrý qoldanylatyn áleýmettik mańyzy bar azyq-túlik taýarlarynyń tizbesine mynalar kiredi:
|
1 |
Birinshi surypty bıdaı uny |
|
2 |
Birinshi surypty unnan pisirilgen bıdaı nany (qalypty) |
|
3 |
Makaron ónimderi (rojkı) |
|
4 |
Qaraqumyq jarmasy |
|
5 |
Tegistelgen kúrish (domalaq dándi) |
|
6 |
Kartop |
|
7 |
Asqanalyq sábiz |
|
8 |
Pıaz |
|
9 |
Aq qyryqqabat |
|
10 |
Qyzanaq ("cherrı", "júzim" sorttarynan basqa) |
|
11 |
Qıar ("kornıshon" sortynan basqa) |
|
12 |
Alma |
|
13 |
Aq qant — qumsheker |
|
14 |
Kúnbaǵys maıy |
|
15 |
Súıekti sıyr eti |
|
16 |
Súıeksiz sıyr eti |
|
17 |
Tartylǵan et (farsh) |
|
18 |
Qoı eti, onyń ishinde súıeksiz |
|
19 |
Jylqy eti, onyń ishinde súıeksiz |
|
20 |
Balǵyn, salqyndatylǵan jáne muzdatylǵan balyq (lesh, móńke, kókserke, tuqy, sazan) |
|
21 |
Taýyq eti (san, jilinshik, taýyqtyń jambasy) |
|
22 |
Taýyq (tutas) |
|
23 |
Pasterlengen, últrapasterlengen, sterıldengen sút (maılylyǵy 2,2%-dan 6%-ǵa deıin, dám qospasyz, laktozasyz ónimderden basqa) |
|
24 |
Aıran (maılylyǵy 2-3%, laktozasyzdan basqa) |
|
25 |
Qaımaq (laktozasyzdan basqa) |
|
26 |
Súzbe (maılylyǵy 5–9%, laktozasyzdan basqa) |
|
27 |
Qatty jáne jartylaı qatty irimshik (maılylyǵy 40–50%) |
|
28 |
Sary maı (tuzsyz, maılylyǵy 72,5%-dan 80%-ǵa deıin, qospasyz jáne ósimdik maıynsyz) |
|
29 |
Taýyq jumyrtqasy (I sanat) |
|
30 |
Qara shaı (dám qospasyz, qaptamaly shaıdan basqa) |
|
31 |
As tuzy ( "Ekstradan" basqa) |
Nesıe berý sharttarymen kásipkerler "Almaty" ÁKK resmı saıtynda jarıalanǵan habarlandyrý arqyly tanysa alady.
Nesıe berý týraly sheshimdi Almaty qalasy ákimdigi janyndaǵy ÁMAT baǵasyn turaqtandyrý tetikterin iske asyrýdy qamtamasyz etý jónindegi komısıa qabyldaıdy.
Ótinim 2026 jyly 20 aqpanǵa deıin qabyldanady. Keńes alý úshin kásipkerler +7 701 410 49 12 nómirine habarlasa alady.
Qazirgi ýaqytta "Almaty" ÁKK óndirýshilermen kelesi qaryz sharttaryn iske asyryp otyr: "Sary-Bulaq" kompanıasy — I sanattaǵy jumyrtqa (saýda sóresinde bir danasy 59 teńgege deıin), "Alataý Qus" — taýyq sany men jambasy 1 100 teńgeden, jilinshigi 1 650 teńgeden, "Nauryz Agro KZ" — taýyq sany men jambasy 1 250 teńgeden. Atalǵan taýarlar boıynsha baǵa turaqtandyrý úsh jylǵa deıingi merzimge qamtamasyz etilgen.
"Almaty" ÁKK iri saýda jelilerimen de yntymaqtasady. Magnum Cash&Carry jelisi arqyly 10 440 tonna kókónis (kartop — 5 120 tonna, sábiz — 2 000 tonna, pıaz — 2 120 tonna, qyryqqabat — 1 200 tonna) 2026 jylǵy 30 sáýirge deıin belgilengen baǵamen turaqtandyrylyp otyr.
Sonymen qatar, osy saýda jelisimen 2026 jyly naýryz aıyna deıin ÁMAT-tyń 11 ataýy boıynsha (qaraqumyq, kúrish, makaron ónimderi, maı, sút ónimderi, taýyq eti, sıyr eti, un, tuz jáne basqa da taýarlar) baǵany turaqtandyrý jónindegi kelisim qoldanysta.