Bul týraly "Qazaqtelekom" AQ basqarma tóraǵasy Baǵdat Mýsın óziniń Telegram-arnasynda jarıalady, dep habarlaıdy aqshamnews.kz
Onyń aıtýynsha, Qytaı ǵylym akademıasynyń ǵalymdary neırochıptiń jumysyn kórsetken. Bul chıptiń kómegimen adam kompúter ekranyndaǵy kýrsordy, múgedekter arbasyn, robottandyrylǵan qoldy jáne tipti robot-ıtti basqara alady. Atalǵan tehnologıa sal aýrýyna shaldyqqan naýqasqa sátti túrde synalǵan.
"Qytaılyq ǵalymdar Neuralink kompanıasyndaǵy ımplantqa qaraǵanda kólemi eki ese kishi chıp jasap, ony sal aýrýyna shaldyqqan pasıentke engize aldy. Ol úshin bas súıegin nebári 5 mıllımetr dıametrde tesý jetkilikti",- dep jazdy Mýsın.
Ol ázirleýshilerdiń málimetinshe, neırondyq sıgnaldy qabyldaýdan bastap syrtqy qurylǵylardyń pármendi oryndaýyna deıingi kidiris 100 mıllısekýndtan az ýaqytty quraıtynyn atap ótti.
"Bul kórsetkish saý adamnyń mıynan bulshyq etterge baratyn tabıǵı sıgnaldan da jyldam. Mundaı tehnologıalar Qazaqstanda da shyndyqqa aınalýy múmkin. Sondyqtan biz kadrlar men ınfraqurylymdy qazirden bastap daıyndaýymyz kerek. Erekshe qajettilikteri bar otandastarymyz eń zamanaýı ońaltý ádisterin paıdalana alýy tıis", – dep túıindedi ol.