Qazaqstan voleıbol federatsıyasy Ortalyq Azıya elderíníń Chempıondar lıgasyna qazaqstandyq klubtardyń qatysu tártíbín bekíttí, dep habarlaıdy Zakon.kz.
QVF áıelder arasyndaǵy klubtyq komandalarǵa arnalǵan Ortalyq Azıya Chempıondar lıgasyna qatysu erejelerí turaly klubtarǵa resmı aqparat joldady.
Būl sheshím turnırdíń ótkízílu merzímderíníń ózgeruíne, sondaı-aq qatysuǵa ótíním beru uaqytynyń shekteulí boluyna baılanysty qabyldanǵan. Aıta keteıík, ótíním qabyldau merzímí 2025 jyldyń jeltoqsan aıynyń sońyna deıín.
QVF-nyń resmı hatyna sáıkes, atalǵan halyqaralyq jarysta Qazaqstan Respublıkasynyń namysyn qorǵau qūqyǵy 2025 jylǵy Qazaqstan Kubogynyń jeńímpazyna beríledí.
Eger Kubok ıegerí jarysqa qatysudan bas tartqan jaǵdaıda, būl qūqyq 2025 jylǵy Qazaqstan Kubogynyń júldeger klubtaryna (alǵan oryndaryna qaraı) kezekpen beríledí. Qatysudyń míndettí sharty – qarjylyq kepíldíktíń rastaluy.
Qazaqstan áıelder Kubogynyń fınaldyq kezeńí 22 jeltoqsanda bastaldy. Turnırge qatysatyn 8 komanda ekí topqa bólíníp óner kórsetude. Al jarystyń fınaly 28 jeltoqsanǵa josparlanǵan.
