«2026-2028 jyldarǵa arnalǵan respublıkalyq byudjet turaly» Qazaqstan Respublıkasynyń Zańyna sáıkes 01.01.2026 jyldan bastap:
Aılyq eseptík kórsetkísh (AEK) – 4 325 teńge;
Eń tómengí zeınetaqy – 69049 teńge mólsherínde;
Eń tómengí kúnkórís deńgeıí (ETKD) – 50 851 teńge;
Bazalyq zeınetaqy tólemíníń eń tómengí mólsherí – 35 596 teńge mólsherínde belgílengen.
Jasy jáne eńbek síńírgen jyldary úshín zeınetaqy tólemderíníń mólsherí 2026 jylǵy 1 qańtardan bastap alynatyn mólsherden 10 % - ǵa artady.
2026 jylǵy 1 qańtardan bastap memlekettík bazalyq zeınetaqy tólemíníń mólsherí Qazaqstan Respublıkasynyń Áleumettík Kodeksíníń (būdan árí – Kodeks) 205-babyna sáıkes ETKD-níń jańa mólsheríne paıyzdyq qatynasta belgílenedí.
Osyǵan oraı, 2026 jylǵy 1 qańtardan bastap bazalyq zeınetaqy mólsherí zeınetaqy júıesíne qatysu ótílí on jyl jáne odan az bolǵanda nemese bolmaǵanda tıístí qarjy jylyna arnalǵan respublıkalyq byudjet turaly zańda belgílengen ETKD shamasynyń 70 paıyzy mólsherínde, zeınetaqy júıesíne qatysu ótílí on jyldan artyq árbír tolyq jyl úshín onyń mólsherí 2 paıyzǵa arttyrylady, bíraq ETKD shamasynyń 118 paıyzynan aspaıtyn mólsherde beríledí. 2026 jylǵy 01.01. bastap 34 jyl jáne odan kóp ótílí bar bazalyq zeınetaqynyń eń joǵarǵy mólsherí 60005 teńgení qūraıdy.
Soltústík Qazaqstan oblysy boıynsha būl ósím 105 myńnan astam alushyǵa áser etedí.
Múgedektígí boıynsha jáne asyraushysynan aırylu jaǵdaıy boıynsha beríletín memlekettík áleumettík járdemaqylardyń mólsherí Kodekstíń 177 jáne 236-baptarynda kózdelgen mólsherde belgílenedí, 2026 jylǵy 1 qańtardan bastap ETKD mólsheríníń ūlǵayuyna baılanystyjoǵarytylady.
Zıyandy eńbek jaǵdaılarynda jūmys ísteıtín adamdarǵa arnauly kásíptík memlekettík járdemaqynyń mólsherí2026 jyldyń 1 qańtarynan bastap ETKD mólsheríníń ūlǵayuyna baılanysty joǵarylatylady.
Múgedektígí bar balany tárbıeleushíge taǵaıyndalatyn jáne tólenetín aı saıynǵy memlekettík járdemaqynyń jáne bírínshí toptaǵy múgedektígí bar adamǵa kútím jasaudy júzege asyratyn adamǵa beríletín memlekettík járdemaqynyń mólsherí 2026 jyldyń 1 qańtarynan bastap ETKD mólsheríníń ūlǵayuyna baılanysty joǵarylatylady.
Aılyq eseptík kórstekísh mólsheríníń artuyna baılanysty №1 jáne №2 tízímder boıynsha memlekettík arnaıy járdemaqylar, bala tuuǵa baılanysty bírjolǵy memlekettík járdemaqy, aı saıynǵy bala bír jarym jasqa tolǵanǵa deıín onyń kútímíne baılanysty memlekettík járdemaqy, jerleuge bírjolǵy tólem, bírge tūratyn tórt jáne odan kóp kámeletke tolmaǵan balasy bar kópbalaly otbasylarǵa, «Altyn alqa», «Kúmís alqa» alqalarymen nagradtalǵannemese būryn «Batyr ana» ataǵyn alǵan, Í jáne ÍÍ dárejelí «Ana dańqy» ordenderímen nagradtalǵan kóp balaly analarǵa aı saıynǵy memlekettík járdemaqynyń mólsherí óstí.
2026 jyldyń 1 qańtarynan bastap memlekettík járdemaqylar mólsheríníń ósuíníń bírneshe mysaldary:
- 1, 2, 3 bala tuǵan kezínde tólenetín bírjolǵy járdemaqy - 164 350 teńgení, 4 jáne odan kóp bala tuǵanda - 272 475 teńgení qūraıtyn bolady.
- Kópbalaly otbasyna aı saıyn beríletín járdemaqy tórt balaǵa –69 330 teńge, bes balaǵa – 86 673 teńge,alty balaǵa – 104 017 teńge mólsherínde tólenedí. Soltústík Qazaqstan oblysy boıynsha kópbplply otbasylarǵa 4,6 myń alushy járdemaqy alady.
- Jalpy aurudyń Í tobyndaǵy múgedektígí bar adamdarǵa arnalǵan járdemaqy – 111 873 teńgení, ÍÍ top – 89 498 teńgení, ÍÍÍ top – 61 022 teńgení qūraıdy.
4) Múgedektígí bar balany tárbıeleushíge taǵaıyndalatyn jáne tólenetín aı saıynǵy memlekettík járdemaqynyń jáne bírínshí toptaǵy múgedektígí bar adamǵa kútím jasaudy júzege asyratyn adamǵa beríletín memlekettík járdemaqynyń mólsherí - 81 871 teńgení qūraıdy.