Jaqynda Qazaqstan Respublıkasynyń Ūlttyq muzeıí, «QR Qaruly Kúshterí ardagerlerí» jáne «Atamnyn amanaty» qoǵamdyq bírlestíkterí bírge Ūly Jeńístíń 80 jyldyǵyna arnalǵan «Tarıhı jadyny saqtau ūrpaq sabaqtastyǵy men jastarǵa patrıottyq tárbıe berudíń mańyzdy faktor retínde» taqyrybynda ǵylymı-praktıkalyq konferentsıya ótkízdí.
Konferentsıya Ekínshí dúnıejúzílík soǵys jyldaryndaǵy aǵa ūrpaq erlígín ūlyqtaudyń, tarıhı jadyny saqtaudyń jańa joldaryn, baǵyttary men formalaryn ízdeu, tarıhı-ólketanu qyzmetín, arhıvtík - ízdestíru jūmystaryn jandandyru, sonymen qatar óskeleń ūrpaqty patrıotızmge tárbıeleu jáne ūrpaqtar sabaqtastyǵyn damytudy talqylaudy maqsat etíp qoıdy.
Jıyndy «Atamnyn Amanaty» qoǵamdyq bírlestígíníń Basqarma tóraǵasy Mūrat Moldaǵalıev ashyp, júrgízíp otyrdy. Konferentsıyanyń basty qonaǵy – «QR Qaruly Kúshterí ardagerlerí» ūıymy basshysynyń orynbasary, general-maıor Marat Naǵūmanov atalǵan ūıymnyń tóraǵasy, Halyq Qaharmany, armıya generaly Mūhtar Altynbaevtyń alqaly jıynǵa qatysushylarǵa arnalǵan qūttyqtau sózín oqyp berdí. Onda bylaı delíngen:
«Tarıhı jady – ūrpaq sabaqtastyǵynyń negízí. Dál osy jad arqyly jastar ótkenníń mańyzyn tereń ūǵynyp, eldíń bolashaǵy úshín óz jauapkershílígín sezínedí. Búgínde álem kúrdelí ózgeríster kezeńín bastan ótkeríp jatqanda, tarıhı aqıqatty saqtau, tarıhty būrmalauǵa qarsy tūru jáne patrıottyq sanany kúsheıtu aıryqsha ózektílíkke ıe.
Qazaqstan Respublıkasy Qaruly Kúshterí ardagerlerí retínde bízdíń mıssıyamyz – jas buynǵa elímízdíń qaharmandyq tarıhyn jetkízíp qana qoımaı, Otanǵa qyzmet etudíń jarqyn úlgísí arqyly olardyń adamgershílík baǵdaryn nyǵaıtu. Soǵys jáne eńbek erleríníń, el táuelsízdígí men aumaqtyq tūtastyǵyn qorǵaǵan áskerı qyzmetshílerdíń ruhyn qasterleu – tarıh aldyndaǵy da, keler ūrpaq aldyndaǵy da ortaq boryshymyz.
Konferentsıya jūmysy patrıottyq tárbıeníń tıímdí júıesín damytuǵa baǵyttalǵan ıdeyalarmen, ozyq tájírıbelermen jáne naqty bastamalarmen almasatyn mańyzdy alańǵa aınalatynyna senímdímín».
Sodan keıín QR Ūlttyq muzeıíníń dırektory Berík Ábdíǵalıūly sóz aldy. Ol óz sózínde «Atamnyn Amanaty» jáne «QR Qaruly Kúshterí ardagerlerí» ūıymdary arasynda ornaǵan nátıjelí yntymaqtastyǵymyzdy erekshe atap ótkím keledí. Bírlesken jobalar, kórmeler, arhıvtík-ízdestíru baǵdarlamalary, ardagerlermen kezdesuler men bílím beru ís-sharalary bízge qoǵamdyq dıalog alańyn keńeıtuge, ūlttyq tarıhty tūtas qabyldaudy qalyptastyruǵa jáne tarıhı bílímníń sabaqtastyǵyn nyǵaıtuǵa múmkíndík beríp otyr degendí aıtty.
Konferentsıya jūmysy kelesí baǵyttar boıynsha ūıymdastyryldy:
1. Ekínshí dúnıejúzílík soǵys tarıhy boıynsha jańa zertteuler men jobalar;
2.Muzeılerde soǵys turaly tarıhı materıaldardy ūsynudyń zamanauı formalary: jańa tásílder men tendentsıyalar;
3. Jauynger taǵdyry: arhıvtík zertteudíń teorıyasy men praktıkasy, dalalyq ízdestíru jūmystarynyń nátıjelerí;
4.Ūly Jeńístíń tarıhı jadyn saqtau jastarǵa patrıottyq tárbıe berudíń mańyzdy faktory retínde.
Konferentsıya barysynda QR Ūlttyq ūlany Bas qolbasshysynyń orynbasary, Halyq Qaharmany, general-maıor Qaırat Úmbetov, “Memorıaldyq aımaq” ízdestíru jasaǵynyń jetekshísí Maıdan Qūsaıynov, QR QK Ūlttyq qorǵanys unıvesrıtetíníń oqytushysy, polkovnık, PhD doktory Almagúl Aldabergenova, tarıh ǵylymdarynyń kandıdaty, otstavkadaǵy polkovnık Manas Maǵūlov, pedagogıka ǵylymdarynyń kandıdaty, otstavkadaǵy polkovnık Asqar Qalıev, «Atamnyn Amanaty» qoǵamdyq ūıymynyń mūraǵattyq ízdestírushísí Meıírhan Nūrhaıdarqyzy jáne basqalar joǵarydaǵy baǵyttar baǵyttar boıynsha bayandamalar jasady.