Almaty qalasynda AMANAT partıyasynyń qalalyq fılıaly janyndaǵy Kommunaldyq ınfraqūrylym, energetıka, sumen jabdyqtau jáne qalalyq mobıldílík jóníndegí keńestíń 2025 jylǵa arnalǵan qorytyndy otyrysy óttí.
Otyrysta partıyanyń saılaualdy baǵdarlamasyn íske asyru jóníndegí Jol kartasy ayasynda sońǵy úsh jylda Almaty qalasynda júzege asyrylǵan ınfraqūrylymdyq jáne kólík jobalarynyń nátıjelerí qaraldy. Jıyn barysynda jauapty basqarmalar atqarylǵan jūmystar turaly esep beríp, negízgí kórsetkíshterge toqtaldy. 2023–2025 jyldary qala jol jelísín jańǵyrtuǵa baǵyttalǵan keshendí jūmystar júrgízíldí. Magıstraldyq, radıaldy jáne íshkí kóshelerdí salu men qaıta jańartu nátıjesínde joldardyń jaqsy jáne qanaǵattanarlyq jaǵdaıdaǵy úlesí 95 paıyzǵa jettí. Būl qala íshíndegí kólík qozǵalysynyń qauípsízdígí men ótkízu qabíletín arttyruǵa yqpal ettí.
Qoǵamdyq kólík júıesín damytu ayasynda jańa baǵyttar íske qosylyp, qala mańy marshruttary keńeıtíldí. Nátıjesínde qoǵamdyq kólíkpen jolaushylar tasymaly táulígíne 1,7 mıllıon adamǵa deıín óstí. Qalanyń avtobus parkí gazben júretín avtobustarmen, trolleıbustarmen jáne elektrobustarmen jańartylyp, ekologıyalyq taza kólík úlesí ūlǵaıdy. Sonymen qatar, elektr kólígín qoldau maqsatynda elektromobılderge arnalǵan 531 zaryadtau stantsıyasy paıdalanuǵa beríldí. Būl kórsetkísh «AMANAT» partıyasynyń baǵdarlamalyq míndetterí ayasynda ekologıyalyq ınfraqūrylymdy damytu jóníndegí josparly tapsyrmalardyń merzímínen būryn oryndalǵanyn kórsettí.
Jıyn qorytyndysynda atqarylǵan jūmystardyń oń nátıjelerí atap ótílíp, aldaǵy kezeńde qalalyq ınfraqūrylymdy odan árí damytu, kólík qoljetímdílígín arttyru jáne tūrǵyndar úshín qolaıly qalalyq orta qalyptastyru negízgí basymdyqtar retínde belgílendí.
