Almaty polıtehnıkalyq kolledjíníń tarıhy 1940 jyly qūrylǵan Almaty kınotehnıkumynan bastalady. KSRO Halyq Komıssarlary Keńesíníń 11 qyrkúıektegí №405 būıryǵyna sáıkes ashylǵan būl oqu orny eldíń shyǵysyndaǵy tūńǵysh, al KSRO kólemíndegí besínshí kınotehnıkum boldy. Kolledj ár kezeńde de halyq sharuashylyǵy men tehnologıya salalary úshín bílíktí mamandar dayarlaudy úzgen emes.
Soǵystan keıín kınotehnıkum Ortalyq Azıya ekonomıkasy úshín mańyzdy kadrlar dayarlaıtyn ortalyqqa aınaldy. Alǵashynda kınoqondyrǵy operatorlary men montajdaushylardy dayarlasa, uaqyt óte oqu baǵyttary keńeıdí. 1965 jyly «Buhgalterlík esep» mamandyǵy ashylyp, ekonomıkalyq baǵyt damydy.
1972 jyly tehnıkum Qazaqstanda alǵashqylardyń bírí bolyp «Esepteu tehnıkasy» jáne «Avtomattandyrylǵan basqaru júıelerí» mamandyqtaryn engízdí. 1970–1980 jyldary oqu orny kópbeıíndí tehnıkumǵa aınalyp, baılanys, radıoelektronıka, esepteu tehnıkasy jáne ekonomıka salalary qatar damydy.
1989 jyly Almaty mashına jasau tehnıkumy qūrylyp, «Gıdromash» zauyty úshín mamandar dayarlauǵa baǵyttaldy. Keıín ekí tehnıkumnyń damu joly toǵysty.
Kolledj tarıhynda ár dırektordyń eńbegí erekshe atalady:
A.A. Juk — soǵys jyldarynda studentterge qamqorlyq kórsetíp, tegín kıno kórsetílímderín ūıymdastyrdy. I.Ya. Chudnovskıı — Lenıngrad kınotehnıkumynyń tájírıbelí ūstazy, kınotehnıkalyq oqulyqtar avtory.V.A. Seıpulnık — dırektorlyqtan keıín oqu ísí jóníndegí orynbasar, ūzaq jyldar matematıka páníníń oqytushysy boldy. L.A. Dernova-Semenyuk — 13 jyl basshylyq etíp, syrttaı oqu bólímín ashty, jańa mamandyqtar engízdí, baǵdarlamalanǵan oqytudy alǵash engízdí. L.F. Dmıtrıev — tehnıkum túlegí retínde ET, baǵdarlamalau, esepteu jūmystaryn mehanıkalandyru baǵyttaryn ashuǵa bastamashy boldy. P.P. Vozovıkov — qoǵamdyq pánder oqytushysy, tehnıkum ómíríne belsene aralasqan ardager. J.T. Túrkpenov — jastar tárbıesíne nazar audarǵan basshy, keıín ǵylym kandıdaty atandy. H.H. Sanbaev — qıyn kezeńderge qaramastan bílím sapasyn saqtady.
S.I. Núsípbekov (1991–2012) — kolledjdíń jańa dáuírín qalyptastyrǵan tūlǵa. Materıaldyq baza jańartylyp, jataqhanalardy jekeshelendíru arqyly 40-tan astam qyzmetker baspanaly boldy.
Táuelsízdík jyldary oqu orny úshín sheshushí kezeń boldy. 1997 jyly kınotehnıkum men mashına jasau tehnıkumy bíríktírílíp, Almaty polıtehnıkalyq kolledjí bolyp qaıta qūryldy. Osy tūsta kolledj janynan OATEK jáne Kıno-teledıdar tehnıkalyq akademıyasy ashylyp, «kolledj–unıversıtet» júıesí negízínde úzdíksíz bílím beru keshení qalyptasty. 90-jyldardyń sońynda mamandyqtar eńbek naryǵyna saı qaıta qarastyrylyp, basty baǵyt retínde IT, telekommunıkatsıya, radıoelektronıka salalary boldy.
Nátıjesínde Almaty polıtehnıkalyq kolledjí jańa myńjyldyqty zamanauı, sūranysqa ıe, básekege qabílettí oqu orny retínde qarsy aldy. Kolledj táuelsíz Qazaqstan ekonomıkasynyń ózgermelí talaptaryna jedel beıímdeletín, qoǵamǵa qajettí mamandar dayarlaıtyn bedeldí mekeme retínde tanyldy. Jańa kezeń kolledj úshín resmı mártebe men zańnamalyq negízdí nyǵaıtudan bastaldy. 2001 jyly QR Bílím mınıstrlígí Almaty polıtehnıkalyq kolledjíne mamandar dayarlauǵa arnalǵan lıtsenzıya berdí. Būl lıtsenzıya mashına jasau, buhgalterlík esep, esepteu tehnıkasy sıyaqty keń auqymdy baǵyttardy qamtydy.2009 jylǵa qaraı kolledj aqparattyq tehnologıyalar, elektronıka jáne avtomattandyru salalary boıynsha jańa mamandyqtar ashyp, oqu baǵdarlamalaryn:
aqparatty avtomattandyrylǵan óńdeu júıelerí, aqparattyq júıeler,basqa da tehnıkalyq beıíndegí qūzyrettermen tolyqtyrdy. Būl kolledjdíń ǵylymı-tehnıkalyq progreske ílesuge degen ūmtylysyn aıqyn kórsettí.
Kolledj tek tehnıkalyq salada ǵana emes, áleumettík baǵytta da jańashyl bastamalarǵa jol ashty. 2007 jyly Qazaqstanda alǵash ret estu qabíletí nashar studentterge arnalǵan arnaıy bílím beru osy kolledjde íske asyryldy. Būl – tehnıkalyq bílímge qoǵamnyń barlyq múshesín tartuǵa baǵyttalǵan mańyzdy qadam boldy. Bílím berudí jetíldíruge arnalǵan «múgedekterdí ońaltu» turaly būıryq negízínde árbír studenttíń «jeke qabíletín barynsha damytuǵa» jaǵdaı jasaldy. Osylaısha, kolledj áleumettík lıft retíndegí rólín kúsheıtíp, múmkíndígí shekteulí jastarǵa kásíbı bílím aluǵa múmkíndík beretín mekeme retínde tanyldy.
2008 jyly QR Bílím jáne ǵylym mınıstrlígíníń sheshímímen kolledjge beıíndí mamandyqtar boıynsha Respublıkalyq oqu-ádístemelík bírlestík (ROÁB) mártebesí beríldí. Būl: oqu-ádístemelík standarttar ázírleu, baǵdarlamalardy jańartu,tehnıkalyq jáne kásíptík bílím beru júıesínde ádístemelík ortalyq bolu jauapkershílígín júktedí.Kolledj būl míndettí abyroımen atqaryp, bílím mazmūnyn tūraqty jańartyp otyrdy.
2008–2009 oqu jyldarynda IT salasyna baǵyttalǵan jańa baǵdarlamalar engízíldí. Kolledj aqparattyq júıeler, avtomattandyrylǵan óńdeu júıelerí jáne zamanauı IT mamandyqtary boıynsha oqytu kólemín keńeıttí. 2010 jyly bírqatar tájírıbelí oqytushylar ūlttyq marapattarǵa ıe boldy.
«Ybyraı Altynsarın» jáne «Bílím beru ísíníń qūrmettí qyzmetkerí» tósbelgílerí kolledjdíń bírqatar tájírıbelí pedagogtaryna tabystaldy. Atalǵan marapat ıegerlerí: R. Sazanbaeva, A. Manasova, L. Ismaılova, K. Smakova jáne S. Súleımenov.
Būl marapattar – ALMATY POLYTECHNIC COLLEGE oqytushylarynyń jan qıyarlyq eńbegíníń, kásíbı sheberlígíníń jáne bílím beru ísíne qosqan zor úlesíníń aıqyn dálelí.
2012–2017 jyldary kolledjdí zań ǵylymdarynyń kandıdaty Nūrdáulet Jaqypbekūly Jabyqbaev basqaryp, ınfraqūrylymdyq jańǵyrudy jalǵastyrdy.
Būl kezeń kolledj tarıhyndaǵy jańǵyruǵa baǵyttalǵan qarqyndy ózgerístermen erekshelendí. Basshylyq jūmysynyń nátıjesínde ınfraqūrylym júıelí túrde jańǵyrtyldy, jańa bílím beru baǵdarlamalary engízíldí, materıaldyq-tehnıkalyq baza aıtarlyqtaı kúsheıtíldí, halyqaralyq seríktestík auqymy keńeıdí. Osy ózgeríster kolledjdíń damuyna tyń serpín beríp, ALMATY POLYTECHNIC COLLEGE níń halyqaralyq deńgeıde tanylǵan zamanauı oqu ornyna aınaluyna negíz qalady.
2017 jyldan bastap kolledjdí Medet Asetovıch Omarbekov basqaryp keledí. Onyń jetekshílígímen tsıfrlyq jańǵyrtu, ınfraqūrylymdy damytu,tájírıbege baǵyttalǵan oqytu, halyqaralyq baılanystardy kúsheıtu
sıyaqty baǵyttar júıelí túrde íske asyrylyp keledí. Medet Asetovıch kolledjdí jańa serpínmen damytyp, ony zamanauı talaptarǵa saı jańartty.
«Jas maman» memlekettík jobasy – jańa ınfraqūrylymdyq serpín 2019 jyly kolledj elímízdíń 200 jetekshí oqu orny qataryna eníp, «Jas maman» jobasyna qatysu qūqyǵyn aldy. Joba ayasynda zamanauı zerthanalar, tehnıkalyq qūraldar men ınnovatsıyalyq oqu jabdyqtary satyp alynyp, bílím beru úderísí halyqaralyq standarttarǵa sáıkestendíríldí.
Daıyndau baǵyttary: IT jáne ekonomıkany tsıfrlandyru – kompyuterlík apparattyq qamtamasyz etu tehnıkterí, Medıa jáne tsıfrlyq kontent – audıo-vıdeo operatorlar men montajdaushylar, Injenerlík óndírís – tehnık-mehanıkter.Būl joba kolledjdíń materıaldyq-tehnıkalyq bazasyn kúsheıtíp qana qoımaı, oqytushylar bílíktílígín arttyruǵa, dualdy oqytu júıesín keńeıtuge jáne jūmys berushílermen seríktestíktí nyǵaıtuǵa jańa múmkíndíkter ashty.
Sońǵy on jylda kolledjdíń materıaldyq-tehnıkalyq bazasy túbegeılí jańaryp, «Smart Campus» deńgeıíne jettí: 500-den astam kompyuter, júzdegen ınteraktıvtí panelder, ıntellektualdy kameralar, Face ID júıesí, zamanauı jelílík ınfraqūrylym qalyptastyryldy. IT Center haby jūmys ísteıdí: Cisco akademıyasy, Apple kurstary, Festo mehatronıka zerthanalary, veb-ázírleu, CAD, 3D-modeldeu baǵyttary engízíldí.
2010 jyldardyń ekínshí jartysynan bastap dualdy oqytu túbegeılí kúsheıtíldí.
2020 jylǵa qaraı oqu uaqytynyń 60–70%-y óndírístík tájírıbege aınaldy. Attendix jáne basqa tsıfrlyq platformalar engízíldí. Túlekterdíń 82%-y alǵashqy jyly jūmysqa ornalasady – būl kórsetkísh el boıynsha joǵary deńgeıde.
Kolledjdíń 85 jyldyǵyna oraı Serík Imanseríkūly Núsípbekov atyndaǵy mūrajaı ashyldy. Mūrajaı – kolledj tarıhyn júıelí saqtaıtyn, patrıottyq jáne ruhanı-adamgershílík tárbıe beretín ortalyq.
Innovatsıyalyq ınfraqūrylym: IT Hub Arena jáne Fab-Lab 2024 jyly ashyldy
IT Hub Arena, Fab Lab tsıfrlyq shyǵarmashylyq zerthanasy, «AKT» baǵyty boıynsha 12-qūzyrettílík ortalyǵy studentterdíń startap jasauyna, chempıonattarǵa daıyndaluyna, ınjenerlík jobalardy júzege asyruyna keń múmkíndík berdí.
Halyqaralyq deńgeıdegí kásíbı jarystarda da kolledj studentterí tabysty óner kórsetíp keledí. KIROSHI komandasy:
Ortalyq Azıya chempıonaty – I oryn
AQSh-taǵy Michiana Premier – TOP-10, Nıderland – qola medal
2024 jylǵy Gaagadaǵy FTC jarysy – sáttí óner kórsetu
2025 jylǵy FIRST Almaty Tech Cup jáne Alem FIRST Championship jeńísterí arqyly AQSh turnırleríne joldama.
Kolledj – «Jíbek joly sheberlerí» halyqaralyq alyansynyń múshesí.
«Bír beldeu – bír jol» bastamasy ayasynda 20-dan astam oqytushy
Qytaı, Malaızıya, Túrkıya, AQSh, Ońtústík Koreyada taǵylymdamadan óttí.
2025 jyly oqytushylar jetekshílígímen 60-qa juyq student Qytaıdaǵy jazǵy bílím beru lageríne qatysyp, taǵy on student Túrkıyada akademıyalyq mobıldílík baǵdarlamasynan óttí. «1000 ózgerís kóshbasshysy» ūlttyq jobasy boıynsha M.S. Málíkova respublıkalyq kadrlyq rezervke endí. 2025 jyl ALMATY POLYTECHNIC COLLEGE pedagogıkalyq qūramy úshín kásíbı tabystarǵa toly kezeń boldy.
200-den astam seríktespen jūmys ísteı otyryp, studentterge tájírıbe, taǵylymdama jáne jūmysqa ornalasu múmkíndígí ūsynylady. IT, telekommunıkatsıya jáne ónerkásíp salalaryndaǵy jetekshí kompanıyalarmen tyǵyz baılanys ornatqan. Yntymaqtastyq studentterge: óndírístík tájírıbeden ótuge, dualdy oquǵa qatysuǵa, zamanauı jabdyqtarda jūmys ísteuge, naqty kásíporyndarda jobalardy júzege asyruǵa múmkíndík beredí. IT seríktester: FD-SERVICE.KZ, Next Innovation, Logıkom, Qazposhta, Cyber Service, Royal IT, R-STYLE.KZ, IT Supply, IT Support Group, CONTI-NEW CORPORATION, RUBA Technology.
Telekommunıkatsıya: Qazaqtelekom, Aspan Telecom, LınkMaster, AlmaTel Qazaqstan, Meganet, KazNetCOM. Ónerkásíp: AZTM, Fırma BENT, AVZ, Korporatsıya Saıman, Eurasian Foods Corporation. Būl baılanystar túlekterdíń eńbek naryǵyna daıyn boluyn qamtamasyz etedí.
Kolledj úshín erekshe maqtanysh — osy oqu ordasyn bítíríp, keıín ūstaz retínde qaıta oralǵan 20 juyq túlekter, kásíbı jolyn Polytech qabyrǵasynda bastap, búgínde studentterge úlgí bolyp otyr. Būl — ūrpaqtar sabaqtastyǵynyń jáne kolledj dástúrleríníń saqtaluynyń aıqyn kórínísí.
ALMATY POLYTECHNIC COLLEGE-tíń 85 jyldyq joly – Qazaqstannyń tehnıkalyq jáne kásíptík bílím shejíresíníń mańyzdy bólígí. Kadr dayarlauda 60 myńnan astam maman daıyndap, ónerkásíp, mashına jasau, telekommunıkatsıya jáne IT salalaryna bílíktí kadrlar ūsyndy. IT Hub Arena, Fab-Lab, AKT ortalyǵy, Cisco akademıyasy, Festo zerthanalary, Apple kurstary jūmys ísteıdí.Erekshe bílím berudí qajet etetín studentterge qolaıly jaǵdaı jasalyp, kolledj áleumettík lıft retíndegí rólín kúsheıttí. 70 astam studentter men 50 juyq oqytushylar Qytaı, Túrkıya, Malaızıya, Sıngapur, Ońtústík Koreya, AQSh elderínde taǵylymdamadan óttí. «Jíbek joly sheberlerí» alyansy men «Bír beldeu – bír jol» bastamasy ayasyndaǵy yntymaqtastyq keńeyude.WorldSkills, JasSkills, Hackathon, FIRST® Global Challenge jarystarynda kolledj qorjynynda:
73 altyn, 14 kúmís, 24 qola medal jáne 11 sheberlík medalony bar.
WorldSkills ūlttyq chempıonaty qozǵalysyn erekshe atap ótpeu múmkín emes.
On jyl íshínde būl qozǵalys kolledj úshín kásíbı sheberlíktíń, ınnovatsıyalyq oılaudyń jáne eńbekke negízdelgen bílímníń strategıyalyq platformasyna aınaldy. WorldSkills – tek jarys alańy emes, ol oqytushylar men studentterdíń áleuetín ashatyn, zamanauı standarttardy bílím beru úderísíne engízetín quatty damu tetígí.
Osy uaqyt aralyǵynda kolledj WorldSkills qozǵalysyna júıelí túrde qatysyp, túrlí qūzyretter boıynsha aımaqtyq, ūlttyq jáne halyqaralyq deńgeıde joǵary nátıjelerge qol jetkízdí. Pedagogter men studentterdíń bírlesken eńbegíníń nátıjesínde:
Worldskills Kazakhstan 2016 - Tuzelbek Dáulet Mehatronıka 2 oryn
Worldskills Kazakhstan 2017 - Vınokurov Dmıtrıı Elektronıka 1 oryn
Worldskills Russia 2017 - Vınokurov Dmıtrıı Elektronıka 3 oryn
Worldskills Kazakhstan 2018:
Chuprynın Ilya Bıznes úshín IT-sheshímder 2 oryn
Kopjasar Aıdos 1 oryn
Worldskills Kazakhstan 2019:
Skubıev Vıtalıı Aqparattyq kabeldík jelíler Í oryn
Chuprynın Ilya Bıznes úshín IT-sheshímder ÍÍ oryn
«Molodye professıonaly» WORLDSKILS RUSSIA 2020:
Jūmash Alımjan Grafıkalyq dızaın 1 oryn;
Bubentsov Ivan Vasılevıch, Vıshnyakov Ilya Jelílík júıení basqaru 1 oryn
Poteshkına Tatyana Veb dızaın jáne ázírleu 2 oryn
Worldskills Kazakhstan 2021:
Imandjan Albına Fotografıya 1 oryn
Bıshof Artem Aleksandrovıch Beıneóndírís 1 oryn
Sbıtnev Ilya Olegovıch Kompyuterlík oıyndarǵa arnalǵan 3D modeldeu 1 oryn
Krınvald Yurıı Vladımırovıch Elektronıka 3 oryn
Izbıtskıı Vıtalıı, Massalıev T - Mehatronıka 3 oryn
Erkínbek Batyr Grafıkalyq dızaın I oryn
Worldskills Kazakhstan 2022:
Almabekūly Aıbek Jelílík jáne júıelík basqaru 3 oryn
Alıev Kemal, Halmetov Elnur Mobıldí robototehnıka 3 oryn
Worldskills Kazakhstan 2023:
Hasenov Aldıyar Prototıpteu 1 oryn
Almasbek Ílıas Jelílík jáne júıelík basqaru 3 oryn
Worldskills Kazakhstan 2024:
Bıjanov Abaı Erlanuly Jelílík jáne júıelík basqaru 3 oryn
Bekjūma Beknūr Abubakırūly Prototıpteu 3 oryn
Baıjūma Yryskeldí Asqarūly CAD ınjenerlík grafıkasy 3 oryn
Worldskills Kazakhstan 2025
Qasym Jaslan Beıne Óndírísí 1-oryn
Ryabınushkın Danıl Kompyuterlík oıyndarǵa arnalǵan 3D modeldeu 1-oryn
Almasūly Ernar Mobıldí qosymshalardy ázírleu 2-oryn
Kalımov Djalıl Veb tehnologıya 2-oryn
WorldSkills Abu Dhabi–2017, WorldSkills Russia–2020 jáne WorldSkills South Korea–2022 halyqaralyq chempıonattarynyń bedeldí arenalarynda baq synaǵan kolledjímízdíń studentterí ózderíníń kásíbı áleuetín álemdík deńgeıde dáleldep, halyqaralyq qatysushy mártebesíne ıe boldy.
Kolledjdíń basty qūndylyǵy — bílíktí de bedeldí pedagogıkalyq ūjym. Búgínde kolledj oqytushylary óz salasynyń naǵyz sheberlerí retínde respublıkalyq, qalalyq jáne halyqaralyq deńgeıdegí baıqaularda joǵary nátıjeler kórsetíp, oqu ornynyń abyroıyn asqaqtatyp keledí. Pedagogtarymyzdyń eńbegí erekshe baǵalanyp memlekettík nagradalarmen marapattalǵan bolatyn:
«Bílím beru ísíníń qūrmettí qyzmetkerí» tósbelgísíne 2015 jyly Beısetbaev A.K., 2024 jyly Málíkova M.S., Duısenbaeva A.A.;
QR Prezıdentíníń Jarlyǵymen «Halyq alǵysy» medalímen 2020 jyly Málíkova M.S. jáne 2021 jyly Duısenbaeva A.A. marapattaldy.
Kolledjímízdíń oqytushylary Respublıkanyń «Úzdík pedagog» statusyna 3 márte ıe boldy, 2012 jyly Aldjambekova J.O., 2015 jyly Málíkova M.S. jáne 2018 jyly Duısenbaeva A.A.
Pedagogtarymyz jyl saıyn ūıymdastyrylatyn «Tehnıkalyq jáne kásíptík bílím beru ūıymdarynyń pedagogtary arasynda IT salasy boıynsha» kásíbı sheberlík konkursynyń qalalyq kezeńínde 10 pedagog, respublıkalyq kezeńínde 9 pedagog júldeger men jeńímpaz ataǵyna ıe boldy.
ALMATY POLYTECHNIC COLLEGE — dástúr men ınnovatsıyany úılestíre otyryp, 85 jyldyq tarıhynda eldíń kadrlyq áleuetín qalyptastyruǵa úlken úles qosqan jetekshí bílím oshaǵy. Kolledj búgíngí kúní tsıfrlyq bílím berudíń flagmany, tájírıbege baǵyttalǵan oqytudyń ortalyǵy, halyqaralyq seríktestíkke ashyq, áleumettík jauapkershílígí joǵary mekeme retínde tanylyp otyr.
Búgíngí jetístíkter — bírneshe buyn pedagogtardyń eren eńbegíníń, tabandylyǵy men jańashyldyqqa ūmtylysynyń nátıjesí. Aldaǵy maqsat — osy dástúrdí saqtaı otyryp, zamanauı bílím beru talaptaryna saı bolashaq mamandardy dayarlau ísín odan árí jetíldíru.
Almaty Polytechnic College – uaqyt synynan ótken, bolashaqqa baǵyttalǵan bílím ordasy.