1 sáýirden bastap qosymsha 4% - ǵa ósti.
Qazaqstan úkimeti memlekettegi áleýmettik tólemder óskenin aıtyp otyr, dep habarlaıdy Almaty-akshamy.kz.
«2022 jylǵy 1 qańtardan bastap Memlekettik áleýmettik saqtandyrý qorynan eńbek etý qabiletinen aıyrylý jáne asyraýshysynan aıyrylý boıynsha áleýmettik tólemder mólsheri 5% - ǵa, 2022 jylǵy 1 sáýirden bastap qosymsha 4% - ǵa ósti. Tólemderdiń jıyntyq mólsheri ótken jyldyń deńgeıimen salystyrǵanda 9% - ǵa artty», - delingen Eńbek jáne halyqty áleýmettik qorǵaý mınıstrliginiń baspasóz qyzmetiniń habarlamasynda.
MÁSQ-nan tólenetin tólemderdi áleýmettik saqtandyrý júıesiniń jumys isteıtin qatysýshylary bazalyq memlekettik áleýmettik járdemaqylarǵa qosymsha alady.
Máselen, MÁSQ-nan eńbek etý qabiletinen aıyrylý boıynsha áleýmettik tólemderdi 81,6 myń adam alady. Eger múgedektigi boıynsha búdjetten tólenetin járdemaqylardyń ortasha mólsheri 54 608 teńge bolsa, onda MÁSQ tólemderin eskere otyryp, azamattar barlyǵy 84 353 teńge alady.
MÁSQ-nan asyraýshysynan aıyrylý boıynsha áleýmettik tólemderdi 54,2 myń adam alady. Eger asyraýshysynan aıyrylý boıynsha búdjetten tólenetin járdemaqylardyń ortasha mólsheri 45 627 teńge bolsa, onda MÁSQ tólemderin eskere otyryp, azamattar barlyǵy 76 443 teńge alady.
Osylaısha, jumys isteıtin azamattarǵa tólenetin tólemderdiń ortasha mólsheri áleýmettik saqtandyrý júıesine qatyspaıtyn alýshylarǵa tólenetin tólemderge qaraǵanda shamamen 30 myń teńge joǵary.
MÁSQ-nan joǵary mólsherdegi áleýmettik tólemder sáýir jáne mamyr aılaryndaǵy qosymsha aqyny eskere otyryp, osy jyldyń maýsym aıynda aýdarylady.