Úkimettiń keńeıtilgen otyrysynda Premer-mınıstr Oljas Bektenov sý resýrstaryn tıimdi paıdalaný jáne aýyl sharýashylyǵynyń ornyqty damýyn qamtamasyz etý boıynsha atqarylǵan jumystar týraly baıandady.
Premer-mınıstrdiń málimdeýinshe, eginshiler tolyqtaı sýarmaly sýmen qamtamasyz etildi, al Aral teńizine 2,6 mlrd tekshe metr sý jiberildi. Bul kórsetkish aldyńǵy jyldarmen salystyrǵanda aıtarlyqtaı joǵary.
Sonymen qatar, jalpy uzyndyǵy 400 shaqyrymnan asatyn 80 sý arnasy jańǵyrtylyp, sýarý ınfraqurylymynyń sapasy aıtarlyqtaı jaqsardy. Sý únemdeý tehnologıalary engizilgen egis alqaby 1,5 ese ulǵaıyp, 470 myń gektarǵa jetti. Bul ózgerister sý resýrstaryn únemdeýge jáne aýyl sharýashylyǵyndaǵy ónimdilikti arttyrýǵa septigin tıgizýde.
Bul bastamalar eldiń sý sharýashylyǵyn jańǵyrtý, klımattyq ózgeristerge beıimdelý jáne aýyl sharýashylyǵynyń turaqty damýyn qamtamasyz etý maqsatynda iske asyrylýda.