2025 jyldyń sońyna deıin 24 et kombınatyn paıdalanýǵa berý josparlanýda.
Qazaqstan úkimeti eldegi et kombınatynyń sany ósetinin atyp otyr, dep habarlady Almaty-akshamy.kz Eldala.kz silteme jasap.
Qazirgi ýaqytta Qazaqstan sıyr eti, jylqy eti, shoshqa eti boıynsha ishki qajettilikti 80%-ǵa, al shujyq ónimderi boıynsha 56,4%-ǵa qamtamasyz etedi. Importty almastyrý baǵdarlamasy aıasynda 2025 jyldyń sońyna deıin 24 et kombınatyn paıdalanýǵa berý josparlanýda, onyń jeteýi aǵymdaǵy jyly iske qosylady. Bul týraly búgin Úkimet otyrysynda Aýyl sharýashylyǵy mınıstri Erbol Qarashókeev málimdedi.
«2022 jylǵa ınvestısıalyq jobalardy iske asyrý josparlanǵan, onyń ishinde jeti et kombınaty, 10 sút óńdeý zaýyty, qus fabrıkalaryn salý jáne keńeıtý boıynsha 10 joba bar. Bul jobalar 13 óńirde jalpy somasy 38 mlrd teńgege júzege asyrylady. Sonyń saldarynan 1,7 myńnan astam jumys ornyn qurý josparlanyp otyr», - dedi mınıstr.
Aýyl sharýashylyǵy mınıstrliginiń derekteri boıynsha, 2021 jyly shujyq ónimderi ımportynyń úlesi 47 myń tonnany qurady, al óz óndirisi 60,7 myń tonnany qurady. 2025 jyldyń sońyna deıin et óńdeý boıynsha 24 ınvestısıalyq jobany iske asyrý, onyń ishinde jalpy óndiristik qýaty 87,4 myń tonna shujyq ónimderin shyǵaratyn tórt iri kásiporyndy iske qosý josparlanýda.
Qus eti boıynsha óz óndirisimen qamtamasyz etý búgingi kúni 65,4%-ǵa baǵalanady.
«2021 jyly qus eti boıynsha ımport úlesi 168,5 myń tonnany qurady, menshikti óndiris 282,3 myń tonnany qurady. Jalpy, óndiristik qýaty jylyna 223,1 myń tonna bolatyn 23 qus fabrıkasyn salý jáne jańǵyrtý esebinen 2025 jylǵa qaraı ımportty tolyq almastyrý josparlanyp otyr», - dedi Erbol Qarashókeev.
Aǵymdaǵy jyly qus fabrıkalaryn salý jáne keńeıtý boıynsha 10 jobany iske asyrý josparlanýda. Olardyń ishindegi eń irisi - Batys Qazaqstan, Soltústik Qazaqstan jáne Qyzylorda oblystarynda qus etin óndirý boıynsha jalpy ınvestısıa somasy 10,4 mlrd teńgeni quraıtyn úsh joba.