Qyrkúıek aıynda 1-synyp sabaqtary 35 mınýttan ótedi.
Qazaqstanda 1-synyptardy oqytýdyń «satyly» rejımi bolady, dep habarlaıdy Almaty-akshamy.kz Oqý-aǵartý mınıstrliginiń baspasóz qyzmetine silteme jasap.
«Qyrkúıekte úsh sabaq 35 mınýttan ótedi. Qazan aıynan bastap dene shynyqtyrý jáne kózge arnalǵan gımnastıka qosylyp, sabaqtyń árqaısysy 45 mınýttan bolady», - dep málimdedi Oqý-aǵartý mınıstrliginiń baspasóz qyzmeti.
Buryn birinshi synyp oqýshylarynyń sabaǵy árqaısysy 40 mınýttan bolatyn edi.
Sonymen qatar birinshi synyptarda kórkem eńbek sabaǵy «Eńbekke baýlý» jáne «Beıneleý óneri» degen eki pánge bólinedi. 1-synypta oqý jylynyń uzaqtyǵy 35 oqý aptasynan turady.
«Qazaq tilinde oqytatyn mektepterde «Álippe» jáne «Ana tili» pánderi, qazaq tilinde oqytpaıtyn mektepterde «Býkvar» jáne «Obýchenıe gramote», «Kazahskıı ıazyk» pánderi oqytylady», - delingen Oqý-aǵartý mınıstrliginiń baspasóz qyzmeti taratqan aqparatta.
1-synypta oqýshylarǵa baǵa qoıylmaıdy.