18-20 jastar arasyndaǵy Eýropa chempıonatynyń jalpykomandalyq esebinde Qazaqstan quramasy ekinshi oryndy ıelendi.
Qazaqstan Qazanda ótken jasóspirimder arasyndaǵy MMA boıynsha Eýropa chempıonatynda úsh altyn medal jeńip aldy, dep habarlaıdy Almaty-akshamy.kz.
«Chempıonatqa 14 elden 252 sportshy qatysty. Qazaqstan atynan ulttyq quramanyń 27 múshesinen quralǵan komanda qatysty. Tórt jarys kúniniń qorytyndysy boıynsha Qazaqstan quramasynyń qorjynynda úsh altyn, jeti kúmis jáne segiz qola medal bar», – dep habarlady Qazaqstannyń birikken MMA federasıalarynyń baspasóz qyzmeti.
52 kelige deıingi salmaq dárejesinde fınalda Ersultan Shákenbaı reseılik Ivan Veretennıkovti aıqyn basymdyqpen jeńdi.
Al 77 kelige deıingi salmaqta Qazaqstannyń eki ókili Danıl Gýbın men Dosjan Kenbaev fınalda kezdesti. Tóreshilerdiń sheshimi boıynsha altyn medal Danıl Gýbınge buıyrdy.
Úshinshi altyndy eresekter arasynda 61,2 kelige deıingi salmaq dárejesinde aqtóbelik Jánibek Tynyshtyq jeńip aldy. Ol fınalda reseılik faıter Sergeı Shırkýnovpen kezdesti. Jánibek Tynyshtyq tóreshilerdiń biraýyzdy sheshimimen jeńiske jetti.