Mamandar bilimderi men dalalyq mashyqtaryn jetildiredi.
Qazaqstan Qarýly Kúshterinde, jaýyngerlik daıarlyq josparyna sáıkes, vzvodtar quramynda bólimshelerdi úılestirý júrgiziledi, dep habarlaıdy Almaty-akshamy.kz.
«Qazaqstan Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń áskerlerdi daıarlaýdy jetildirý jónindegi tapsyrmasyn iske asyrý aıasynda jaýyngerlik oqýǵa qatysty barlyq shara armıanyń jaýyngerlik qabiletin arttyrýǵa baǵyttalyp otyr. Jaýyngerlik úılestirý jáne barlyq deńgeıde ózara is-qımyldy pysyqtaý bólimshelerden batalóndarǵa birtindep aýysa otyryp, kezeń-kezeńmen júrgiziledi. Bul aldaǵy ýaqytta barlyq jeke quramnyń úılesimdi, naqty jáne jedel is-qımylyna qol jetkizýge múmkindik beredi», - delingen Qorǵanys mınıstrliginiń baspasóz qyzmetiniń habarlamasynda.
Vzvodtardy daıarlaý barysynda áskerı qyzmetshiler bilimderin jáne dalalyq mashyqtaryn jetildiredi.
«Áskerı qyzmetshilerdi bólimsheler quramynda úılesimdi is-qımylǵa úıretý mańyzdy. Ár jaýynger, ár bólimshe qandaı da bir jaǵdaıda óziniń manevrin bilýi tıis. Al komandırler kez kelgen jaǵdaıda sheshim qabyldaýy kerek», – dep atap ótti mehanıkalandyrylǵan brıgada komandıriniń jaýyngerlik daıarlyq jónindegi orynbasary, podpolkovnık Erǵazy Ataev.
Urysqa barynsha keltirilgen jaǵdaılarda taktıkalyq mindetter júzege asyrylady. Vzvodtar quramynda áskerı qyzmetshilerge marsh jasaý, tirek pýnktterin jabdyqtaý, jaýyngerlik tártipti qalyptastyrý, qorǵanysta urys júrgizý, shabýyl jasaý jáne zańsyz qarýly quramalarǵa qarsy arnaıy áskerı is-qımyldar júrgizý kezinde kelisilgen is-qımyldardy oqytady. Osy oraıda taktıkalyq, taktıkalyq-arnaıy jáne atys daıarlyǵy, sondaı-aq jaýyngerlik mashınalardy júrgizý normatıvteri pysyqtalady.
Vzvodtardy úılestirý naýryz aıynyń basynda kúndizgi jáne túngi ýaqytta jaýyngerlik atys jattyǵýlarymen aıaqtalady.
