Qazir Qazaqstannan 10 000 dollardan asatyn valútany shyǵarýǵa tıym salynǵan
Jambyl oblysyndaǵy "Aýhatty" baqylaý-ótkizý beketinde elden 500 myń dollardan astam aqshany zańsyz alyp ótpek bolǵan er adam ustaldy, dep habarlaıdy Almaty-akshamy.kz QR UQK baspasóz qyzmetine silteme jasap.
"Mamyr aıynyń basynda "Aýhatty" avtokólik ótkizý beketiniń shekarashylary 500 000 dollardan astam somany zańsyz áketýge jol bermedi", - delingen habarlamada.
Ustalǵan azamat pen valúta Qordaı aýdanyndaǵy polısıa bólimine ótkizilgen.
Vedomstvo elde "Qazaqstan Respýblıkasynyń qarjylyq turaqtylyǵyn qamtamasyz etý jónindegi sharalar týraly" qaýly qabyldanǵanyn eske saldy. Bul qujat Qazaqstannan 10 000 AQSH dollary balamasynan asatyn qolma-qol shetel valútasyn jáne shetel valútasyndaǵy aqsha quraldaryn áketýge tyıym salady.