Olar halyqaralyq qazylar alqasynyń arnaıy dıplomymen marapattaldy.
Gachın qalasynda ótken «Ádebıet jáne kıno» halyqaralyq kınofestıvalinde «Qazaqfılmniń» eki fılmi júlde aldy, dep habarlaıdy Almaty-akshamy.kz kınostýdıanyń baspasóz qyzmetine silteme jasap.
Fılmniń qoıýshy-sýretshisi Ermek Ótegenov pen rejıser Bolat Qalymbetov «Muqaǵalı» fılmindegi úzdik jumysy úshin Halyqaralyq qazylar alqasynyń arnaıy dıplomymen marapattaldy.
Úzdik senarı úshin júldeni rejıser Darejan Ómirbaevtyń «Aqyn» fılmi aldy.
Gachındegi kınofestıvaldiń konkýrsyna Reseı, Belarýs, Qyrǵyzstan, Armenıa, Izraıl, Qazaqstan men Tájikstan elderiniń stýdıalary men táýelsiz avtorlary óz jumystaryn usyndy.
Byltyr belgili rejıser Bolat Qalymbetov túsirgen «Muqaǵalı» fılmi «Temnye nochı» atty 25-shi Tallın kınofestıvalinde qazylar alqasynyń arnaıy júldesin ıelengen edi.
Qazaqtyń aqıyq aqyny Muqaǵalı Maqataevtyń 90 jyldyǵyna oraı, Mádenıet jáne sport mınıstrliginiń tapsyrysy boıynsha Sháken Aımanov atyndaǵy «Qazaqfılm» kınostýdıasynda túsirilgen «Muqaǵalı» fılminiń senarıin belgili jazýshy Júsipbek Qorǵasbek rejıser Bolat Qalymbetovpen jáne Ǵazız Nasyrovpen birge jazdy.