Bul brend áıelder men erlerge arnalǵan, baýyrlas el qazaq pen túrik ómir saltynan shabyt alynǵan brend.
Oral qalasynyń týmasy Nellı Ismagýlqyzynyń jeke brendi – «Nellys.Vintage» – túrik qaýymynyń súıikti brendteriniń birine aınalyp úlgerdi, - dep habarlaıdy Aqshamnews.kz.
Túrkıaǵa kóshpes buryn L.N.Gýmılev atyndaǵy Eýrazıa ulttyq ýnıversıtetin támamdaǵan Nellı magıstrlik dısertasıasyn Ulybrıtanıadaǵy Essex ýnıversıtetiniń quqyq fakúltetinde qorǵaǵan. Qazirgi tańda Ankarada cán salasyn damytyp, dızaınerlik qaýymdastyqpen belsendi jumys istep júrgen jerlesimiz qazaq mádenıeti men ónerin de shyǵarmashylyq jumystaryna engizýdi umytpaıdy.
«Nellys.Vintage» brendi 3 jyl ishinde Kappadokıa men Ankarada koleksıalaryn tanystyryp, Túrkıanyń tanymal tulǵalarynyń súıikti kıimderine aınaldy.
2025 jylǵy 5 qyrkúıekte brend «Qys-Kúz 2025/2026» jańa toptamasyn tanystyrdy. İs-sharaǵa 150-den astam qonaq qatysty.