Búkireıgen arqa men tyrnaq tárizdi saýsaqtar. Shamamen 80 jyldan keıin qashyqtan jumys isteıtinderdiń keskin-kelbeti osyndaı bolmaq.
Mundaı boljamdy Ulybrıtanıa ǵalymdary jasaǵan, dep habarlaıdy Almaty-akshamy.kz.
Lıds ýnıversıteti mamandarynyń aıtýynsha, brıtandyqtardyń shamamen úshten biri qashyqtan jumys isteıdi, biraq olardyń jumys oryndary jaqsy jabdyqtalmaǵan. Osynyń eskergen zertteýshiler onlaında nemese qashyqtan jumys jasaıtyndardyń bolashaq prototıpin jasaýdy maqsat etken.
Prototıpti Anna dep ataǵan. Onyń arqasy búkireıgen, ıyqtary kóterilgen, ájimderge tolǵan sursha júzi jáne únemi óz tóseginde jumys isteýine baılanysty salmaqtan problemalary bar. Árıne, qasynan kofe nemese shaı jáne dámdi bir nárse bolatynyn da eskerý qajet.
Kompútermen únemi jumys istegennen keıin Annanyń kózderi qyzaryp, isip ketken. Saýsaqtary tolyǵymen jazylmaıdy jáne olar kóbine kóp syrt kózge «tyshqan tetigine» uqsaıdy.
Sonymen birge, bolashaq qashyqtan jumys isteýshi depressıaǵa shaldyqqysh ári ımýnıteti de óte álsiz bolady. Bul taza aýanyń jetispeýshiliginen bolady.
Osyǵan baılanysty, densaýlyq saqtaý salasynyń sarapshylary qashyqtan jumys isteıtinderge, birinshi kezekte, ózderine arnalǵan jaqsy jumys ornyn uıymdastyrýǵa shaqyrady. Sondaı-aq, jıi úzilis jasap, kóbirek qozǵalyp, tirek-qımyl apparatyn nyǵaıtý úshin jattyǵýlar jasaý kerek.