Olar kóterme saýdada qanttyń baǵasyn 5,3% - ǵa kótergen
Qazaqstan Respýblıkasy Básekelestikti qorǵaý jáne damytý agenttiginiń Qyzylorda oblysy boıynsha departamenti «Anvar» JSHS jáne «Tóle-Bı» degen jeke kásipkerdiń kóterme saýdada qanttyń baǵasyn negizsiz ósirgenin anyqtady, dep habarlaıdy Almaty-akshamy.kz.
«2022 jyldyń birinshi toqsanynda Qyzylorda oblysy boıynsha monopolıaǵa qarsy departament qantty kóterme saýdada ótkizýdiń taýar naryǵyn taldaý qorytyndylary boıynsha «Anvar» JSHS men «Tóle Bı» kompanıasynyń is-áreketterinde zertteletin kezeńde qantty kóterme saýdada ótkizý baǵasyn orta eseppen 5,3% - ǵa negizsiz arttyrý bóliginde monopolıaǵa qarsy zańnamany buzý belgilerin kórdi», - dep kórsetti Básekelestikti qorǵaý jáne damytý Agenttiginiń baspasóz qyzmeti.
«Anvar» JSHS Aqtóbede tirkelgenine baılanysty taldaý materıaldary Aqtóbe oblysy boıynsha BQDA aýmaqtyq bólimshesine berildi.
Aqtóbe oblysy boıynsha monopolıaǵa qarsy departament «Anvar» JSHS-ne onyń áreketterinde básekelestik zańnamany buzý belgileriniń bolýy jáne olardy joıý qajettiligi týraly habarlama shyǵardy, ony kásiporyn belgilengen merzimde oryndamaǵan. «Anvar» JSHS-ne qatysty habarlamanyń oryndalmaýyna baılanysty monopolıaǵa qarsy tergeý bastaldy.