Birlesip atqarǵan jumystary úshin alǵysyn aıtty.
Almaty polısıa departamentiniń burynǵy jetekshisi Qanat Taımerdenov almatylyqtarǵa áleýmettik jeliler arqyly alǵysyn bildirdi, dep habarlady Almaty-akshamy.kz.
«Qymbatty dostar!
Qurmetti almatylyqtar!
Eki jarym jyl boıy biz birge elimizdiń eń iri shaharynda zańdylyq pen tártipti qamtamasyz etý jáne azamattardyń qaýipsizdigine qatysty ózekti máselelerdi sheshý úshin tyǵyz jumys jasadyq.
Meniń tájirıbemde bul qaladaǵy qylmystyq jaǵdaıdy turaqtandyrýǵa jáne jazataıym oqıǵalardy azaıtýǵa múmkindik bergen qoǵammen eń jemisti yntymaqtastyq boldy desem de bolady.
Sizdermen birge qalalyq qoǵamdyq kólikterdi, jalpy bilim beretin mektepterdi, kolejderdi, azamattardyń jappaı júretin oryndaryn, sondaı-aq tergeýshiler, anyqtaýshylar men jedel ýákilderdiń kabınetterin qamtıtyn beınebaqylaý júıelerin keńeıtý máseleleri de sheshildi.
Sonymen qatar, Almaty polısıasynyń qyzmettik úlgige kóshýiniń aralyq qorytyndylary shyǵaryldy.
Qoǵam belsendilerimen birlese otyryp, taıaý bolashaqqa arnalǵan basym josparlar belgilendi.
Bir sózben aıtqanda, búginde Almatyda qylmystyq jaǵdaı turaqty jáne baqylaýda.Áli de atqarylatyn jumystar bar ekendigi ras.
Dostar!
Sizderdi aldaǵy ýaqytta da qaladaǵy qaýipsizdik pen quqyqtyq tártipti qamtamasyz etý máselelerin sheshýge belsendi atsalysýǵa shaqyramyn.Birlesken jumystaryńyz úshin alǵysymdy aıtamyn.
Almaty qalasy PD qyzmetteri men bólimsheleriniń jeke quramyna janqıarlyq jáne kásibı eńbekteri úshin erekshe alǵys aıtamyn», - dep jazdy Qanat Taımerdenov.
Budan buryn belgili bolǵandaı, Qanat Taımerdenov Almaty polısıa departamentiniń bastyǵy qyzmetinen ketken bolatyn.
«Qanat Taımerdenov İshki ister mınıstrliginiń ortalyq apparatyna basshylyq qyzmetke aýystyrylýda», - delingen İİM baspasóz qyzmetiniń habaramasynda.