Tótenshe jaǵdaılar departamenti nysan ıelerine qurylys-montaj jumystaryn júrgizý kezinde órt qaýipsizdigi erejelerin saqtaýdy suraıdy.
Saın men Shalápın kósheleriniń qıylysynda salynyp jatqan ǵımarattyń jabyny órtendi, dep habarlaıdy Almaty-akshamy.kz qalalyq TJD baspasóz qyzmetine silteme jasap.
Qalalyq tótenshe jaǵdaılar departamentiniń málimetinshe, 21 maýsym kúni tańǵy saǵat 09:46 shamasynda Áýezov aýdanyndaǵy «Astana» yqshamaýdany, 1/10 mekenjaıy boıynsha joǵary dárejeli órt sóndirý bólimsheleri shyqty.
«Órt sóndirý brıgadasy oqıǵa ornyna tórt mınýtta jetti. Olar salynyp jatqan ǵımarattyń jabyny órtenip jatqanyn anyqtady, qazir taralý qaýpi joq. 10 mınýttyń ishinde órt oqshaýlanyp, 10:09-da sóndirildi. Zardap shekkender men qaza tapqandar joq»,- dep habarlandy Almaty qalasy Tótenshe jaǵdaılar departamentiniń baspasóz qyzmetinen.
Tótenshe jaǵdaılar departamenti nysan ıelerine qurylys-montaj jumystaryn júrgizý kezinde órt qaýipsizdigi erejelerin saqtaýdy suraıdy.