Almaty qar kúreý men shyǵarý jumystary jalǵasyp jatyr. Kúndizgi ýaqytta 423 birlik arnaıy tehnıka men 1008 jumysshy jumyldyrylǵan.
Qar jaýǵan sátten bastap 2270 tonna kóktaıǵaqqa qarsy materıal sebildi, dep habarlaıdy almaty-akshamy.kz Komýnaldyq ınfraqurylymdy damytý basqarmasyna silteme jasap.
Trotýarlardy, jalpy paıdalaný oryndaryn qolmen kúreý jumystary kúsheıtiledi. Qoǵamdyq kólik aıaldamalary men jer ústi ótkelderi de qolmen tazartylyp jatyr. 22 qar tıegish pen 72 júk kóligimen qar shyǵarý jumystary júrýde. Saǵat 15:00-tegi jaǵdaı boıynsha 28 240 m3 qar shyǵaryldy, bul 2820 reıske teń.
Aýdandardyń ákimdikterinde jumysty baqylaý úshin 24 saǵattyq kezekshilik uıymdastyrdy.
“Qazgıdromet” RMK boljamy: 20 qańtar: kúndiz saǵat 19:00-ge deıin qalyńdyǵy 0,5 mm-lik azdaǵan qar. aýa temperatýrasy kúndiz -4...-6 gradýs aıaz.
21 qańtar: tún jarymda qalyńdyǵy 1 mm bolatyn azdap qar jaýady, kúndiz de osy qalyńdyqtaı qar túsedi. Túnde aýa temperatýrasy -10...-12, kúndiz -6...-8 gradýs aıaz.