Qujat qabyldaý bastaldy.
Memleket basshysynyń tapsyrmasyna sáıkes aǵymdaǵy jyly Prezıdenttik jastar kadr rezervine 50 maman irikteletin bolady, dep habarlaıdy Almaty-akshamy.kz.
«Qujattardy qabyldaý aǵymdaǵy jyldyń 1 qyrkúıeginen bastap pkrezerv.gov.kz sıfrlyq platformada onlaın rejımde bastalǵan bolatyn. Qujattardy qabyldaýdyń eki kúni ishinde irikteýge qatysýǵa 1251 ótinim kelip tústi. Qujattardy qabyldaý 30 qykúıekke deıin jalǵasady», – delingen Memlekettik qyzmet isteri agenttik habarlamasynda.
Prezıdenttiń 2021 jylǵy 29 tamyzdaǵy № 141 Jarlyǵymen belgilengen talaptarǵa sáıkes, irikteýge 35 jastan aspaǵan, joǵary bilimi jáne 5 jyldan kem emes jumys ótili bar, sondaı-aq memlekettik tildi ortadan tómen emes deńgeıde biletin Qazaqstan Respýblıkasynyń azamattary qatysa alady. Rezervte bolý merzimi 3 jyl.
Rezervte turǵan mamandy bos memlekettik laýazymǵa taǵaıyndaý qoldanystaǵy zańnamaǵa sáıkes júzege asyrylatyn bolady.