Ol bul saılaý kózdegen reformalardyń júzege asýyna jańasha serpin beretinin jetkizdi.
Memlekettik keńesshi Erlan Qarın depýtattyqqa túsip jatqan kandıdattardyń kóptigi qoǵamda Prezıdent reformasyna qoldaý bar ekenin baıqatatynyn aıtty, -dep habarlaıdy Almaty-akshamy.kz Azattyq Ruhy-na silteme jasap.
«Bul degenimiz – reformalar qoǵam tarapynan qoldaý tapty degen sóz. Eger bir mandatty okrýg boıynsha osynshama adam óz kandıdatýrasyn usynyp otyrsa, ártúrli saıası partıalardyń úgit-nasıhat baǵdarlamasyna qatyssa, bul – Prezıdent reformalary qoǵam tarapynan úlken qyzyǵýshylyq oıatyp, qoldaý tapty degen sóz. Reformalar úmit uıalatyp otyr. Meniń oıymsha, bul saılaý kózdegen reformalardyń júzege asýyna jańasha serpin beredi», - dedi Erlan Qarın.
Aıta keteıik, Memlekettik keńesshi Erlan Qarın Astana qalasyndaǵy Ulttyq kitaphanada ashylǵan saılaý ýchaskesine baryp, daýys bergen bolatyn.