Qazir kúdikti ýaqytsha ustaý ızolátorynda.
Almatylyqtardy páter jóndep beremin dep aldaǵan alaıaq ustaldy, – dep habarlaıdy Almaty-akshamy.kz Polisia.kz saıtyna silteme jasap.
Áýezov aýdandyq Polısıa basqarmasynyń málimetinshe, 45 jastaǵy L.esimdi azamat ınternette úıler men páterlerdi sapaly jóndeý týraly habarlandyrýlar jarıalaǵan. Jumysqa kirispes buryn er adam árdaıym klıentterden 100% aldyn ala tólem suraıtyn: ol aqsha alyp, jasyrynǵan. Al túsken qarajatty óz qalaýy boıynsha paıdalanǵan.
«Jedel-izdestirý is-sharalary barysynda kúdikti ustaldy. Tergeýdiń osy kezeńinde onyń eki birdeı alaıaqtyqqa qatysy bar ekeni anyqtaldy. Ol boıynsha sotqa deıingi tergeýdiń biryńǵaı tiziliminde QR QK-niń 190-baby 3-bólimine sáıkes qylmystyq ister qozǵalǵan. Sońǵy derek boıynsha keltirilgen shyǵyn kólemi 1 mıllıon teńgeni qurady», – dedi Áýezov APB bastyǵy Ulan Ábilhaıyr.
Qazir kúdikti ýaqytsha ustaý ızolátorynda. Aldanǵan adamdardyń odan da kóp bolýy múmkin. Qylmystyq is boıynsha tergeý jalǵasýda.
