Ózderińizge belgili, Memleket Basshysy Qasym-Jomart Kemeluly Toqaevtyń «Egemen Qazaqstan» gazetinde jarıalanǵan «Táýelsizdik bárinen qymbat» maqalasynda «Jeltoqsan qaharmandarynyń azamattyq erligin josparly túrde nasıhattaýdy» tapsyrǵan bolatyn.
Qazirgi ýaqytta «Jeltoqsan» uıymdarymen birlese otyryp, qala ákiminiń bastamasymen birqatar sharalar júzege asyryldy, dep habarlaıdy Almaty-akshamy.kz
Atap aıtqanda:
- 1 qyrkúıekte Almatyda turaqty tirkeýi bar 512 «jeltoqsandyq» «Qazaqstan Respýblıkasynyń táýelsizdigine 30 jyl» medalimen nagradtaýǵa usynyldy;
- mamyr aıynda Túrksib aýdanyndaǵy saıabaqqa «Jeltoqsan - 86» resmı ataýy berildi. Saıabaqty damytýdyń 2026 jylǵa deıingi jospary tanystyryldy;
- «Almaty» telearnasynda Jeltoqsanǵa arnalǵan derekti fılm túsirilýde. Fılmdi tolyq aıaqtaý qarasha aıyna josparlanǵan;
- qazan aıynda belgili Jeltoqsan qaharmandary Q.Rysqulbekov, E.Sypataev, L.Asanova, S.Muhamedjanova, K.Moldanazarova beınesimen bılbord pen medıabordtar kórnekti oryndarynda ilindi;
- 1 qarashadan bastap qalalyq densaýlyq saqtaý mekemelerinde «jeltoqsandyqtarǵa» skrınıng uıymdastyryldy;
Sonymen qatar, aldaǵy ýaqytta kelesi is-sharalardy júzege asyrý josparlanýda:
- qarasha aıynda demeýshilerdiń qoldaýymen 50-den astam «jeltoqsandyqqa» densaýlyqtaryn saýyqtyrý úshin qaladaǵy shıpajaılarǵa joldama beriledi;
- 1 jeltoqsanǵa deıin Almaty qalasynda turaqty tirkelgen jáne aqtalǵan tulǵalarǵa áleýmettik kómek kórsetiledi
- 4 jeltoqsanda «Alataý» dástúrli óner teatrynda patrıottyq ánder keshi uıymdastyrylady;
- 16-17 jeltoqsanda Respýblıka alańynda gúl qoıý rásimi men «Jeltoqsan-86» saıabaǵynda taqyryptyq eskertkishtiń alǵashqy tasyn qoıý rásimi uıymdastyrylady.
Búgingi kúni Táýelsizdik pen Jeltoqsan oqıǵalary bir-birine jaqyn boldy, óıtkeni jeltoqsan sherýleri bizdiń halqymyzdyń egemendikke degen erik-jigerin, táýelsiz el bolýǵa degen umtylysyn kórsetti. Memleket jeltoqsan oqıǵasyna qatysýshylardy barynsha qoldaý jaýapkershiligin óz moınyna aldy.