Oqý-aǵartý vıse-mınıstri Ǵanı Beısembaevtyń eńbek demalysy tólemderin tóleýge qatysty túsinikteme berdi, dep habarlaıdy Almaty-akshamy.kz Baq.kz-ke silteme jasap.
Maýsym aıynyń basynan bastap ákimdikter pedagogterge 246 mlrd teńge kóleminde eńbek demalysy aqysyn ýaqytyly aýdardy. Óńirlerdiń basym bóliginde muǵalimderge eńbek demalysy aqysy tolyq tólengen.
Eńbek demalysy men aı saıynǵy eńbekaqy jergilikti búdjet esebinen (ákimdikter) tólenetinin eske sala keteıik. Sonymen qatar taldaý barysynda mınıstrlik birqatar óńirde 28 mlrd teńge kólemindegi qarajat ýaqytyly aýdarylmaǵanyn tirkedi. Munyń basty sebebi - qarajattyń jetispeýshiliginen emes, kerisinshe jergilikti deńgeıdegi jumystar men rásim máselelerine baılanysty bolyp otyr.
:«Bul máseleler tolyǵymen jergilikti bilim basqarmalarynyń quzyretine jatady. Sondyqtan mundaı málimdemelerge jaýapkershilikpen qarap, keıbir máselelerdiń qaı memlekettik organdardyń quzyrynda ekenin eskerýdi suraımyz», - dedi ol.
Másele mınıstrliktiń baqylaýynda tur.
«Ákimdikterdiń málimetinshe, tólem máselesi bir apta ishinde sheshiledi. Sapany qamtamasyz etý jónindegi óńirlik departamentter bilim berý salasy qyzmetkerlerine aı saıynǵy eńbekaqyny ýaqytyly tóleýin baqylaýdy jalǵastyrady», - dedi ol.
Esterińizge sala keteıik, depýtat muǵalimder aldyndaǵy bereshek 30 mlrd teńge ekenin aıtyp, mınıstrge depýtattyq saýal joldaǵan bolatyn.