Mamandar daýyldy eskertýlerdiń bar ekenin eske salady.
Respýblıka boıynsha ótken táýlikte 45 adam qar qursaýynan qutqaryldy, dep habarlaıdy Almaty-akshamy.kz TJM baspasóz qyzmetine silteme jasap.
Júrgizýshiler elemegen qatty aıaz ben aýa raıynyń qolaısyzdyǵy tótenshe jaǵdaıǵa ákeldi. 27 qarashada Shyǵys Qazaqstan oblysynyń Zaısan aýdanynda Qaratal aýylynan 10 km qashyqtyqta «Omby-Maıqapshaǵaı» tas jolynda ondaǵan júk fýrgony qar qursaýynda qalyp qoıdy. Olarǵa 25-ÓSB qutqarýshylary kómekke keldi. Aýyr júk kóliginiń 16 júrgizýshisiniń biri dárigerlerdiń kómegine muqtaj boldy. Qutqarylǵan júrgizýshi, Belarýs azamatynyń qolyn jeńil úsik shalyp, jaqyn mańdaǵy medısınalyq mekemege jetkizildi. Alǵashqy kómek alǵannan keıin ol bosatyldy, aýrýhanaǵa jatqyzý qajet bolǵan joq. Qalǵan júrgizýshilerdi qutqarýshylar Qaratal aýylyna KÝNG jyly kóligimen jetkizdi. Qazirgi ýaqytta olar qonaqúıde jáne olarǵa qaýip tónip turǵan joq. Oqıǵa ornynda joldy tazartatyn jol qyzmetteri jumys istep jatyr.
Sol kúni Qostanaı oblysynyń Qamysty aýdanynda Altynsarın aýylynan 10 km qashyqtyqta TJD kúshterimen qar qursaýynda qalǵan eki avtokóliktiń jolaýshylary qutqarylyp, Altynsarın aýylynyń jylytý pýnktine jetkizildi.
28 qarashada Ulytaý oblysynyń Jańaarqa aýdanynda, Aqtóbe aýylynan 5 shaqyrym jerde TJD kúshterimen medısınalyq kómekke muqtaj emes 6 adam qutqaryldy. Olar «Toyota» tehnıkalyq aqaýly avtokóliginen qutqarylyp, «Aqtúbek» TMQP-ǵa jetkizildi.
28 qarashaǵa qaraǵan túni Qaraǵandy oblysynda úsh qutqarý operasıasy júrgizildi. Osakarov aýdany, Molodejnyı kentinen 3 km qashyqtyqta «Qyzylorda-Pavlodar» avtojolynda qatyp qalý sebebinen tehnıkalyq aqaýlarǵa baılanysty jeńil avtokólik jolda toqtap qaldy. Qutqarýshylar kólikten eki adamdy evakýasıalap, Molodejnyı kentine jetkizdi.
Ekinshi qutqarý operasıasy Shet aýdanynda júrgizildi. «Almaty-Ekaterınbýrg» avtojolynyń 901 shaqyrymynda Aqsý-Aıýly aýylynan 18 shaqyrym jerde tehnıkalyq aqaýly avtobýstan TJD kúshterimen Aqsý-Aıýly aýylyna 19 adam jetkizildi. Avtobýs «Astana-SHymkent» baǵyty boıynsha bara jatqan.
Óńirlerdiń tótenshe jaǵdaılar departamentteri birneshe kún boıy jel, boran jáne aıaz týraly habardar etti. Qatty aıazǵa baılanysty ártúrli kólikter úshin qozǵalys shekteýleri engizildi. Alaıda azamattar eldi mekenderden tys jaqqa ketip, qıynshylyqtarǵa tap boldy.
«TJM birqatar óńirlerde daýyldy eskertýlerdiń bar ekenin eske salady. Aýa raıy buzylǵan kezde, ásirese, túngi ýaqytta, alys jolǵa shyǵýdy jáne jaıaý júrýdi shekteý qajettiligi týraly eskertemiz. Sapar aldynda avtomobıldiń tehnıkalyq jaramdylyǵyn tekserip, meteorologıalyq boljamdar jáne daýyldy eskertýler týraly aqparatty qadaǵalap otyryńyz», - delingen mınıstrlik habarlamasynda.
Qutqarýshylar turǵyndardan aýa raıy turaqtalǵanǵa deıin saparlardan bas tartýdy jáne olardy basqa ýaqytqa aýystyrýdy surady. Esterińizge sala keteıik, joldardyń jaı-kúıi týraly Darmen mobıldi qosymshasynan bilýge bolady.Tótenshe jaǵdaı kezinde 112 nómiri boıynsha habarlaý qajet.