Otbasy bank «Otaý» jańa turǵyn úı baǵdarlamasy bastalatynyn málim etti, dep habarlaıdy almaty-akshamy.kz.
Baǵdarlama osy jyldyń 1 naýryzynda iske qosylmaq. Sol kúnnen bastap 30 sáýirge deıin (qosa alǵanda) kópshilik «Baspana market» (otbasybank.kz) portalynda baǵdarlamaǵa qatysý týraly ótinish joldaı alady. Ótinishti kez kelgen ýaqytta berýge bolady.
«Otaý» baǵdarlamasyna kimder qatysa alady?
1. Otbasy bank salymshylary («Báıterek» holdıńiniń enshiles uıymy), onyń ishinde turǵyn úı kezeginde turǵan azamattar qatysa alady;
2. Úmitkerdiń jınaq shoty eń kemi 18 aılyq bolýy kerek;
3. Ótinim berý sátinde depozıttegi jınaq somasy 1 mln teńgeden kem bolmaýǵa tıis;
4. Qatysýshy jasy 18-den 63 jasqa deıin (qosa alǵanda);
5. Baǵdarlamaǵa qatysýshyda jáne onyń otbasy múshelerinde sońǵy 5 jyl ishinde jyljymaıtyn múlik bolmaýy kerek;
6. Almaty jáne Astana qalalarynan turǵyn úı alatyn jaǵdaıda atalǵan qalalarda turaqty tirkeý bolýy qajet.