Qatty aıazdyń boljanýyna baılanysty Aqmola oblysynyń Kókshetaý qalasynda birinshi aýysymdaǵy barlyq oqýshy qashyqtan oqýǵa kóshirildi, dep habarlaıdy almaty-akshamy.kz.
«Aýa temperatýrasynyń -37 gradýsqa tómendeýine baılanysty 8 jeltoqsanda Kókshetaý qalasy mektepteriniń birinshi aýysymdaǵy 1-11 synyp oqýshylary úshin sabaq qashyqtan ótkiziledi», –delingen qalalyq bilim bóliminiń málimetinde.
Aqmola oblysynyń Tótenshe jaǵdaılar departamenti 7-8 jeltoqsan kúnderi óńirde -38 gradýsqa deıin qatty aıaz bolatyny týraly SMS habarlama taratqan bolatyn.