Tergeý amaldary júrip jatyr.
«Operator ROP» atty jaýapkershiligi shekteýli seriktestiktiń basqarýshy dırektory Rýslan Shámshıev óz-ózine qol jumsaǵan, dep habarlaıdy Almaty-akshamy.kz Informburo.kz saıtyna silteme jasap.
Onyń qaıtys bolǵany týraly aqparat alǵashynda áleýmettik jelilerde paıda bolǵan. Sońynan Nur-Sultan qalalyq polısıa departamentinde Informburo.kz saıtynyń redaksıasy bul derekti rastaǵan.
«Er adamnyń máıitin tabý faktisi boıynsha Esil aýdanynyń polısıa bólimi QR Qylmystyq kodeksiniń 105-baby «Ózin-ózi óltirýge ıtermeleý» boıynsha qylmystyq is qozǵady. Qazirgi ýaqytta tergeýdiń tolyqtyǵy men obektıvtiligin qamtamasyz etý maqsatynda qajetti tergeý amaldary júrgizilip jatyr», - dedi polısıadaǵylar.
Rýslan Shámshıev «Operator ROP» JSHS-niń quqyqtyq máseleler jónindegi basqarýshy dırektory bolyp 2021 jyly kelgen. Buǵan deıin ol «Azamattarǵa arnalǵan úkimet» memlekettik korporasıasynda túrli qyzmetterde istegen.