Qoıylym kórermenge 4 qarasha kúni saǵat 19.00-de usynylady.
Abaı atyndaǵy Qazaq ulttyq opera jáne balet teatrynda Qajym Jumalıevtyń lıbrettosyna jazylǵan Muqan Tólebaevtyń «Birjan – Sara» spektakliniń qoıylymyna 75 jyl tolýyna oraı jáne dırıjer, QR eńbek sińirgen qaıratkeri Raısa Sadyqovany eske alýǵa arnalǵan spektákl ótedi, dep habarlaıdy Almaty-akshamy.kz
«Birjan – Sara» operasy otandyq mýzyka mádenıetiniń tarıhynda erekshe oryn alady. Onyń premerasy 1946 jyly Abaı atyndaǵy opera jáne balet teatrynyń úlken sahnasynda ótti. Sújettiń negizinde kórnekti aqyn, ánshi-kompozıtor Birjan sal (Birjan Qojaǵulov) men jas talantty poetessa Sara Tastanbekqyzy ómiriniń shynaıy tarıhy jatyr.
«Birjan – Sara» operasynda ótken júzjyldyqtyń bastapqy kezeńi qaıta jańǵyrtylǵan. Qoıylymda baıdyń ozbyrlyǵy máselesi kóterilgen, osy rette basty keıipkerler Birjan men Saranyń jarqyn mahabbaty, olardyń rýhanı kúshi men feodaldyq qoǵamǵa qarsy turýy aıqynyraq kórinedi. Mýzyka Qazaqstanda klasıkalyq opera óneriniń damýyna negiz bolǵan ulttyq epos pen formalardyń organıkalyq qospasyn usynady. Birjan men Saranyń mahabbat tarıhy qaıǵyly, biraq ol halyqtyń júreginde máńgi qalady. Birjannyń ánderin ǵashyqtardyń jańa urpaqtary shyrqaıdy. Qoıylym kórermenge 4 qarasha kúni saǵat 19.00-de usynylady.
Al, 5 qarasha saǵat 19.00-de teatr sahnasynda bir aktili baletterdiń keshi ótedi. Kórermenge usynatyn alǵashqy qoıylym Jorj Bızeniń «Karmen» operasy negizinde qoıylǵan horegraf Alberto Alonsonyń «Karmen-súıta» bir aktili baleti. «Karmen-súıtany» qoıý ıdeıasy Karmen rólin somdaýdy armandaǵan ataqty balerına Maııa Plıseskaıaǵa tıesili. Bızeniń shyǵarmasyn negizge ala otyryp, Shedrın balet lıbrettosyn Merımeniń romanyna emes, álemge tanymal operaǵa súıene otyryp jazǵan. Oqıǵa syǵan qyzy Karmen men ony shynaıy súıgen sarbaz Hozeniń qaıǵyly taǵdyry jaıly, alaıda Karmen Torero esimdi jas jigit úshin Hozeni tastap ketedi. Hozeniń qolynan qaza tapqan Karmen ólimi jáne keıipkerler arasyndaǵy qarym-qatynas synaq, kóterilis, qarsy turý syndy árekettermen anyqtalady.
Shahrıardyń jas áıelderin ólimnen qutqarǵan Hanshaıym Sheherezadanyń sheshendigi týraly baıandaıtyn «Myń bir tún» ertegisiniń sújetindegi «Sheherızada» baleti. Sımfonıalyq orkestr áýenimen Mıhaıl Fokınniń N. Rımskıı-Korsakovtyń mýzykasyna qoıǵan qoıylymynyń Shyǵys qumarlyqtary men kolorıtin kórermenderge balet trýppasynyń jetekshi solıseri usynady. «Sheherızada» baletin Abaı at. QazUOBT London Kolızeıindegi (Coliseum Theatre) gastrólderde aǵylshyn qaýymyna usynǵan bolatyn.
6 qarashada saǵat 18.00-de P.I. Chaıkovskııdiń «Iolanta» lırıkalyq bir aktili operasy Opera teatrynyń úlken sahnasynda oryndalady. Petr Ilıch óz jumysyn jazǵan kezde, ol: «Ia napıshý takýıý operý, chto vse býdýt plakat» - degen edi. Shyn máninde de, kórermen búkil spektákl boıy alańdaýmen bolady, sújet basty keıipkerler - has sulý Iolanta men onyń súıiktisi Robertke degen shıelenis pen janashyrlyq sezimde «ustaıdy». Degenmen, sırek jaǵdaılardy qospaǵanda, «Iolanta» operasynyń sońynda Happy End kútedi.