Dzúdodan Qazaqstan chempıony Aqmaral Naýatbek Beıjiń Olımpıadasyna arnalǵan ulttyq quramanyń formasyn tanystyrýǵa úles qosty.
Olympic.kz saıtyna suhbat bergen Aqmaral mundaı mańyzdy sáttiń kýágeri bolǵany úshin qýanyshyn jasyrmady, dep habarlaıdy Almaty-akshamy.kz
«Fototúsirilimge shaqyrtý alǵanda qatty qýandym. Óıtkeni, olımpıadalyq formany eń aldymen baǵalaıtyn sportshylar. Formanyń sapasy da, syrtqy úlgisi de birden unady. Yńǵaıly, jyly, stıldi. Bizdiń olımpıadashylar Beıjińde shyn yqylaspen kıedi dep senemin. «Qazaqstan» sóziniń qazaq tilinde jazylǵany da qýanysh syılaıdy eken. Osy bir jaýapty kúnderi olımpıadashylarǵa úlken tabys tileımin», - dedi Aqmaral.