Konfesıaaralyq jáne órkenıetaralyq dıalogty damytý
Qazaqstan Respýblıkasy Táýelsizdiginiń 30 jyldyǵyna oraı Konfesıaaralyq jáne órkenıetaralyq dıalogty damytý jónindegi N.Nazarbaev ortalyǵy alańynda ıýdaızmge arnalǵan «Ashyq aspan astynda» úshinshi halyqaralyq fotokórmeniń saltanatty ashylýy ótti, dep habarlaıdy Almaty-akshamy.kz QazAqparat saıtyna silteme jasap.
Sharaǵa QR Aqparat jáne qoǵamdyq damý mınıstrligi Din isteri komıtetiniń tóraǵasy E.Núkejanov, Konfesıaaralyq jáne órkenıetaralyq dıalogty damytý jónindegi N.Nazarbaev ortalyǵy basqarma tóraǵasy B. Sársenbaev, Qazaqstan Respýblıkasyndaǵy Izraıl Memleketiniń konsýly Galına Frenkel, Nur-Sultan qalasynyń bas ravvıni Shmýel Karnaýh, sondaı-aq basqa dinı birlestikterdiń jáne Qazaqstandaqy AQSH, Reseı, Japonıa, Vatıkan, Belgıa elderiniń dıplomatıalyq ókildikteriniń ókilderi qatysty.