Taǵaıyndaý: Maǵzum Myrzalıev jańa qyzmetke saılandy
QR Ekologıa, geologıa jáne tabıǵı resýrstar mınıstri Maǵzum Myrzaǵalıev TMD-ǵa qatysýshy elderdiń Memleketaralyq ekologıalyq keńesiniń tóraǵasy bolyp saılandy, dep habarlaıdy Almaty-akshamy.kz Egemen.kz-ke silteme jasap.
«2021 jylǵy 3 qyrkúıekte onlaın formatta TMD-ǵa qatysýshy memleketterdiń Memleketaralyq ekologıalyq keńesiniń VII otyrysy ótti. Qatysýshylar Keńestiń jańa tóraǵasyn saılady, ol QR Ekologıa, geologıa jáne tabıǵı resýrstar mınıstri Maǵzum Myrzaǵalıev boldy», - delingen QR Ekologıa mınıstrligi baspasóz qyzmetiniń habarlamasynda.
Otyrysqa TMD memleketaralyq ekologıalyq keńesine qatysýshy memleketterdiń – Armenıa, Belarýs, Qazaqstan, Qyrǵyzstan, Moldova, Reseı, Tájikstan jáne Ózbekstan Respýblıkasynyń delegasıalary, TMD elderiniń Parlamentaralyq Assambleıasy Keńesi Hatshylyǵynyń, TMD Elektr energetıkalyq Keńesiniń Atqarýshy komıtetiniń, Táýelsiz Memleketter Dostastyǵynyń Atqarýshy komıtetiniń ókilderi qatysty.
Otyrys barysynda qatysýshy elder qorshaǵan ortany qorǵaý salasyndaǵy yntymaqtastyqtyń jaı-kúıi men damý perspektıvalary máselelerin talqylady.
Keńes barysynda TMD AAEJ-ǵa múshe memleketter qorshaǵan ortany qorǵaý salasyndaǵy ózekti máseleler boıynsha yntymaqtastyqty jalǵastyrýǵa ýaǵdalasty.
Otyrys qorytyndysy boıynsha TMD-ǵa qatysýshy memleketterdiń Memleketaralyq ekologıalyq keńesiniń 2022-2023 jyldarǵa arnalǵan jumys jospary bekitildi, sheshimder qabyldandy jáne otyrys hattamasyna qol qoıyldy.