Qarjy sholýshysy Aıbar Oljaevtyń aıtýynsha, boryshkerler bankke jasaǵan barlyq jazbasha jáne aýyzsha ótinishterin tirkep, baılanys ornatqanyn dáleldeıtin qujattardy saqtaý kerek, dep habarlaıdy aqshamnews.kz
Eń aldymen, másele banktiń problemalyq bólimderimen kelissózder júrgizý jaıynda bolyp otyr. Qaryz alýshy nesıeni qaıta qurylymdaýǵa tabandylyq tanytýy tıis: bul tólemdi keıinge shegerý, kredıttik demalys nemese qaryz merzimin uzartý bolýy múmkin.
Sarapshynyń pikirinshe, eń nashar sheshim – nesıe berýshilerdiń talaptaryn elemeý.
– 90 kúndik keshiktirilgennen keıin siz problemalyq qaryz alýshy sanatyna ótesiz. Qarjy salasynda bul NPL90+ dep atalady. Sondaı-aq, budan keńirek uǵym bar – «3-kezeń», oǵan 90 kúnnen astam keshiktirilgen nesıeler ǵana emes, defolt qaýpi bar nesıeler de kiredi. Bank óz qarjylyq esebiniń nasharlaýyna jol bermeý úshin mundaı nesıelerden tezirek qutylýǵa tyrysady, sol sebepti sizdiń qaryzyńyz problemalyq aktıvter pýlyna enip, kolektorlardyń qolyna ótedi. Bul týraly belgi kredıttik búro derekterinde paıda bolady. Al jeke kredıttik tarıhty qalpyna keltirý – qıyn ári uzaq proses. Keıin sot prosesteri bastalyp, sheshimder shyǵady, is jeke sot oryndaýshylaryna ótedi. Bul proses endi qaıtymsyz, – dedi Aıbar Oljaev.