Baǵdarlama aıasynda alǵashqy turǵyn úıin nebári 10% bastapqy jarnamen jáne jyldyq 7%-dan bastalatyn mólsherlememen rásimdeýge bolady, dep habarlaıdy aqshamnews.kz
Atalǵan baǵdarlamaǵa ótinim qabyldaý 2025 jyldyń 3 qarashasy men 1 jeltoqsan aralyǵynda jalǵasady. Ol tek onlaın formatta Baspana Market portaly arqyly berilmek.
Baǵdarlama talaptary da ońaı:
– "Otbasy bankiniń" salymshylary, depozıtinde keminde 2 mıllıon teńge bolýy tıis;
– Ózinde jáne otbasy múshelerinde sońǵy 5 jylda baspanasy bolmaǵan azamattar;
– Jasy 18 ben 63 jas aralyǵyndaǵy qazaqstandyqtar.
Bastapqy jarna:
• eger páter taza árleýde bolsa (10%);
• eger páter ekinshi naryqtan nemese qarapaıym árleýde bolsa (20%).
Paıyzdyq mólsherleme:
• 7% (JTSM – 7,1%) – áleýmettik osal toptarǵa;
• 9% (JTSM – 9,4%) – ózge qatysýshylarǵa.
Jańa baǵdarlamada qaryz sommasy aımaqtarǵa 30 mıllıon teńgege deıin, al Astana men Almatyda 36 mıllıon teńgege deıin berilmek.