Bul týraly Energetıka mınıstri Almasadam Sátqalıev "Ekonomıka" baǵdarlamasynda bergen suhbatynda aıtty.
Otandyq benzın men dızel janarmaıyn avtokólikpen jáne temirjolmen eksporttaýǵa salynǵan tyıym merzimi bıyl aqpan aıynan bastap uzartyldy. Biraq bul zańǵa baǵynbaıtyndar azaımaı tur. Máselen, shıkizat ónimin syrtqa shyǵarýdy shekteıtin sońǵy buıryq shyqqaly 300-ge jýyq zań buzýshylyq tirkelgen, dep habarlaıdy Almaty-akshamy.kz 24 kz silteme jasap.
- Munaı ónimderin zańsyz eksporttaý boıynsha 288 qylmys anyqtaldy. Onyń ishinde "kóleńkeli eksport" degen de bar. Benzın men dızeldi shekaradan bildirtpeı ótkizgisi keletinder jeńil kóligin syıymdylyǵy úlken qosymsha bakpen jabdyqtaıdy. Bir kúnniń ishinde birneshe márte tasymaldaıdy, - deıdi QR Energetıka mınıstri Almasadam Sátqalıev
Vedomstvo basshysy el batysyndaǵy áleýmettik jáne ekonomıkalyq máselelerdiń aldyn alýǵa baǵyttalǵan jumystar týraly aıtty.
- El batysyn damytý boıynsha birqatar jumys istep jatyrmyz. Energetıka mınıstrligi tarapynan atqarylyp jatqan iri jobalar bar. Bul birinshi kezekte jergilikti halyqtyń ál-aýqatyn jaqsartýǵa baǵyttalǵan. Onyń ishinde, Atyraý oblysyndaǵy gaz-hımıalyq keshen, polıpropılen, polıetılen jáne býtadıen shyǵaratyn zaýyttardyń qurylysy da bar. Osy arqyly birneshe ondaǵan myń jańa jumys oryndary ashylady, - deıdi QR Energetıka mınıstri Almasadam Sátqalıev