Astana qalasynyń qylmystyq ister jónindegi aýdanaralyq sotynda Arystanbek Muhamedıulynyń isi boıynsha aldyn ala tyńdaý ótti.
Sot eki epızodty bir sot isin júrgizýge biriktirdi: birinshisi, "Altyn adamnyń sherýi" kórmesin ótkizýge qatysty tergeý derekteri boıynsha jańa mán-jaılardyń paıda bolýyna qatysty; ekinshisi – Astanadaǵy "Dıplomat" qonaqúıin ıemdený kezinde qıanat jasaý jáne reıderlik áreket.
Astanalyq advokattar alqasynyń advokaty Aıgúl Ismaǵulovanyń aıtýynsha, sot otyrysynda jeti adam otyr. Aldyn ala tyńdaý kezinde bes adam tikeleı sot zalynda boldy: Arystanbek Muhamedıuly, Abaı Satybaldın, Leonıd Kochetov, Almas Nurazhan jáne Azamat Kóshenov jáne taǵy eki aıyptalýshy - Aıym Sádýaqasova men Gúlzat Jýaspaeva konferens-baılanys arqyly onlaın rejıminde qatysty.
"Bizge 2017, 2018 jáne 2019 jyldardaǵy "Altyn adamnyń sherýi" kórmesi týraly epızod boıynsha urlyq jasady degen aıyp taǵylyp otyr. Urlyqtyń somasy shamamen 1,5 mıllıard teńgeni quraıdy.Biz bul aıyptaý aktisimen kelispeımiz, óıtkeni kiná eshteńemen rastalmaǵan.Árıne, biz kinásizdikti dáleldeımiz, kinásizdik prezýmpsıasy bar, ony eshkim joıǵan joq.İstiń birinshi satydaǵy sotta ádil jáne obektıvti qaralyp, is boıynsha barlyq mán-jaılar anyqtalatynyna senemiz"- dedi Leonıd Kochetovtyń advokaty Aıgúl Ismaǵulova.