Elimiz kóshbasshy elderdiń «V» tobynan «A» tobyna kóterildi.
Sıfrlyq damý, ınovasıalar jáne aeroǵarysh ónerkásibi mınıstrliginiń málimetinshe, GovTech jahandyq seriktestiginiń qoldaýymen engizilgen Dúnıejúzilik Banktiń GovTech jetilý ındeksi (GTMI) salasynyń negizgi tórt baǵytynyń damýyn baǵalaıdy. Naqty aıtqanda, negizgi memlekettik júıe ındeksi (CGSI), Memlekettik qyzmet kórsetý ındeksi (PSDI), azamattardy sıfrlyq salaǵa tartý ındeksi(DCEI) jáne memlekettik tehnologıalardy qoldaý ındeksi (GTEI), dep habarlaıdy Almaty-akshamy.kz.
Qazaqstan 198 el arasynda Memlekettik qyzmet kórsetý ındeksi (PSD) boıynsha 6-shy orynǵa turaqtaǵan. Aıta ketý kerek, 2022 jylǵy kórsetkishter boıynsha Qazaqstan jetilý ındeksinde (GTMI) aıtarlyqtaı nátıje kórsetti. Osylaısha jahandyq reıtıńte elimiz V tobynan A tobyna aýysty. Bul eldegi GovTech salasynyń damyp kele jatqanyn kórsetedi.
Sondaı-aq búginde Qazaqstan BUU-nyń elektrondyq úkimetti damytý boıynsha jahandyq reıtıńinde (EGDI) 28-orynda jáne joǵary nátıjeli elder tobyna kiredi. Sondaı-aq elimiz onlaın qyzmetter salasyndaǵy álemdik reıtıńte de ilgeri orynda. Onlaın servısterdi usyný boıynsha elimiz 8 oryndy ıelenip, úzdik 10 eldiń qatarynda tur. Bul bedeldi tizimge Estonıa, Fınlándıa, Ońtústik Koreıa, Danıa, Sıngapýr, Jańa Zelandıa, Avstralıa, AQSH jáne Japonıa sıaqty elektrondyq úkimettiń kóshbasshy elderi de kirgen.
GovTech – halyqqa memlekettik qyzmet kórsetý jáne bılik organdary men memlekettik ınstıtýttar jumysynyń tıimdiligin arttyrý tehnologıalary salasy.