9 aıda shamamen halyqtyń 40 paıyzy ekpe alǵan.
Qasym-Jomart Toqaev koronavırýsqa qarsy revaksınasıaǵa kirisýdi tapsyrdy, dep habarlaıdy Almaty-akshamy.kz
Úkimet pen ákimder halyqty revaksınasıalaý naýqanyna kirisýi qajet. Bul týraly Memleket basshysy Qasym-Jomart Toqaev aıtty.
«Epıdemıologıalyq ahýal turaqsyz bolyp qalýda. Kún saıyn 30-ǵa deıin ólim-jitim tirkeledi. Munyń barlyǵy vaksınasıa qarqynynyń tómendeýi aıasynda oryn alyp jatyr. 9 aıda halyqty qamtý shamamen 40 paıyz boldy», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.
Aqordanyń Twitter-degi málimetine sáıkes, Prezıdent elderdiń basym bóligi halyqty revaksınalaýǵa kóshkenip atap ótti.
«Qarqyndy naýqandy naýryz aıynda bastaǵanymyzdy eskerer bolsaq, bizge de revaksınasıa ýaqyty jetti. Úkimet pen ákimder halyqty revaksınasıalaý naýqanyna kirisýi qajet», - dedi Memleket basshysy.