Alǵashqy 3 balasyn týǵandarǵa 38 AEK – ıaǵnı 140 296 teńge járdemaqy taǵaıyndaldy.
Bıyl kópbalaly otbasylarǵa beriletin járdemaqy kóbeıdi, dep habarlaıdy Almaty-akshamy.kz
Onyń mólsheri bala týǵan kezde beriletin járdemaqylar Áleýmettik kodekstiń 80-shi babynda aıqyndalady jáne ol aılyq eseptik kórsetkishtermen (AEK) belgilenedi.
"2024–2026 jyldarǵa arnalǵan respýblıkalyq búdjet týraly" Zańǵa saı, 1 AEK - 3 myń 692 teńge bolyp belgilengen. Alǵashqy 3 balasyn týǵandarǵa 38 AEK – ıaǵnı 140 296 teńge járdemaqy taǵaıyndaldy. 4-shi jáne odan da kóp bala týǵandarǵa 63 AEK kóleminde birretik járdemaqy tólenedi. Sonymen qatar eger egiz nemese úshem týǵan bolsa, járdemaqy balanyń árqaısysyna jeke taǵaıyndalady.
Bul – bir rettik járdemaqy mólsheri. Kópbalaly otbasylarǵa aı saıynǵy járdemaqy da kóbeıgen.
Áleýmettik kodekstiń 91-babyna saı, onyń mólsheri mynadaı: 4 balaǵa shamamen 59183 teńge, al 5 balaǵa shamamen 74 myń, eger otbasynda 8 nemese odan da kóp bolsa, ár balaǵa 4 aılyq eseptik kórsetkish kóleminde tólenedi.
Eger otbasynda 8 jáne odan da kóp bala bolsa, ár balaǵa 4 AEK, ıaǵnı 8 balaǵa 32 AEK (118 144 teńge).