Búgin ÝEFA Konferensıa lıgasynyń ekinshi irikteý kezeńi aıasynda qazaqstandyq tórt klýb kezdesý ótkizedi.
Atap aıtqanda, «Qyzyl-Jar» – «Osıek», «Qaırat» – «Kıshvarda», «Tobyl» - «Lınkoln Red Imps» jáne «Rakýv» - «Astana» machy ótedi.
Atalǵan kezdesýlerdi «Qazaqstan» jáne «Qazsport» telearnalary tikeleı efırde kórsetedi, dep habarlaıdy Almaty-akshamy.kz.
Petropavldyq «Qyzyl-Jar» elordada horvatıalyq «Osıekti» qabyldaıdy. Bul mach Nur-Sultan ýaqytymen 18:00-de bastalady. Oıyndy QAZSPORT telearnasy tikeleı efırde kórsetedi.
Chempıondar lıgasynyń birinshi irikteý kezeńinen asa almaǵan «Tobyl» óz alańynda gıbraltarlyq «Lınkoln Red Imps» komandasyn qabyldaıdy. Qostanaıda ótetin mach 20:00-de bastalady. Bul kezdesýdi de QAZSPORT telearnasy kórsetedi.
«Qaırat» – «Kıshvarda» machy da jergilikti ýaqytpen 20:00-de bastalady. Almatydan tikeleı translásıany QAZAQSTAN telearnasy júrgizedi.
Qazaqstandyq komandalar arasynda «Astana» ǵana alǵashqy oıynyn syrt alańda ótkizedi. Elordalyqtar Polshada «Rakývpen» kezdesedi. Oıyn elorda ýaqytymen 22 shildege qaraǵan túni 01:00-de bastalady. Kezdesýdi QAZSPORT telearnasynan tikeleı efırde kórýge bolady.