Qazir kıik sany 1,3 mln-ǵa jetken.
Úkimet olardy qorǵaý boıynsha birqatar keshendi sharalar qabyldady, onyń ishinde kıikterdi paıdalanýǵa moratorıı engizildi, dep habarlaıdy Almaty-akshamy.kz
Ekologıa jáne tabıǵı resýrstar mınıstrliginiń málimetinshe, elimizdiń aýmaǵynda kıikterdiń dúnıejúzilik popýlásıasynyń 90%-dan astamy mekendeıdi. Bul janýarlar sanynyń azaıýyna baılanysty (2003 jyly 21 myń bas bolǵan) Úkimet olardy qorǵaý boıynsha birqatar keshendi sharalar qabyldady, onyń ishinde kıikterdi paıdalanýǵa moratorıı engizildi.
Qabyldanǵan sharalardyń arqasynda búginde kıik sany 1,3 mln basqa (tóldeý kezeńine deıin) jetip otyr. Aıta ketý kerek, olardyń ońtaıly sany 700-800 myńdy quraıdy.
Bul rette aýyl sharýashylyǵy janýarlary men kıikterdiń arasynda jaıylymdar men sýarmaly jerler úshin básekelestik kúsheıip, kıikterdiń egindi taptaý jaǵdaılary jıilegen.
Osyǵan baılanysty, mınıstrlik 2023 jyly kıik popýlásıasyn basqarý jónindegi bıologıalyq negizdeme aıasynda olardy ǵylymı zertteýdi josparlady. Sonyń nátıjesinde mynadaı máseleler zerdelenetin bolady:
1) kıik popýlásıalarynyń damý boljamy;
2) kıikterdiń arealy men kóshi-qon joldaryn naqtylaý;
3) kıikterdiń azyqtyq bazasyn zerdeleý;
4) aýyl sharýashylyǵymen básekelestikti tómendetý boıynsha usynystar ázirleý.
Osyǵan baılanysty, EGTRM Orman sharýashylyǵy jáne janýarlar dúnıesi komıteti ǵylymı-zertteý jumystary kezeńinde 2022 jylǵy 28 jeltoqsandaǵy buıryqpen respýblıkanyń búkil aýmaǵynda kıikterdi, olardyń bólikteri men derıvattaryn paıdalanýǵa moratorııdi ǵylymı negizdemege sáıkes 2024 jylǵa deıin uzartty.