Qujatynyń merzimi ótip ketken kólikti júrgizý ákimshilik quqyq buzýshylyq.
Júrgizýshi kýáliginiń jaramdylyq merzimi ótip ketse, ony aýystyrý kezinde emtıhandardy qaıta tapsyrý qarastyrylmaǵan, dep habarlaıdy Almaty-akshamy.kz
SHQO Polısıa departamenti júrgizýshi kýáligin aldyn ala aýystyrǵan durys, sebebi qujatynyń merzimi ótip ketken kólikti júrgizý ákimshilik quqyq buzýshylyq bolyp tabylatynyn atap ótti.
Sonymen, eger qujattyń qoldanylý merzimi ótip ketse, biraq siz oǵan mán bermeı, kólikti basqarýdy jalǵastyrsańyz, QR ÁQBtK-niń 612-baby boıynsha ákimshilik jaýapkershilikke tartylasyz. 20 AEK (61 260 teńge) mólsherinde aıyppul salýǵa ákep soqty. Bir jyl ishinde qaıtalap buzǵany úshin aıyppul 30 AEK (91 890 teńge) quraıdy.
Polıseıler túsindirgendeı, respýblıkadaǵy barlyq júrgizýshiler, sonyń ishinde turýǵa yqtıarhaty bar sheteldikter de merzimi ótip ketken júrgizýshi kýáligin aýystyra alady.
Merzimi ótip ketken júrgizýshi kýáligin aýystyrý úshin Mamandandyrylǵan halyqqa qyzmet kórsetý ortalyǵyna (Mamandandyrylǵan qyzmet kórsetý ortalyǵy) habarlasý kerek nemese eGov.kz jáne Kaspi.kz saıttarynda onlaın ótinish jazý kerek.
Bul rette merzimi ótip ketken júrgizýshi kýáligin aýystyrý kezinde emtıhandardy qaıta tapsyrý qarastyrylmaǵan.
«Merzimi ótip ketken júrgizýshi kýáligin aıyrbastaýǵa ótinish bergen kezde jeke kýálik, 1,25 AEK (3828 teńge) mólsherinde memlekettik baj salyǵyn tólegeni týraly túbirtek, 073 nysandaǵy medısınalyq anyqtama sıaqty qujattar qajet», dedi Ákimshilik polısıa basqarmasynyń basshysy Erkin Ánýarbekov.
Jańa júrgizýshi kýáligin sol kúni ala alasyz.
PD Qazaqstanda júrgizýshi kýáligi 10 jyl merzimge beriletinin, kórsetilgen merzim ótkennen keıin ony aýystyrý qajet ekenin eske saldy.