Balalar úıinen soń arnaıy ınternatta tárbıelengen
Túrkistan oblysynda taǵdyr tálkegimen aralary ajyrap ketken baýyrlar 25 jyldan soń qaýyshty. Aǵaıyndylar kenjelerin 4 jasynda joǵaltyp alǵan. Qýanysh syılaǵan aımaq polıseılerine olardyń alǵysy sheksiz, dep habarlaıdy Almaty-akshamy.kz Zakon.kz-ke silteme jasap.
Túrkistan oblysy Saýran aýdanynyń turǵyny Botakóz Tolybaevanyń 25 jyl buryn kóz jazyp qalǵan inisin polıseıler taýyp berdi. Aǵaıyndy eki ul bir qyz ata-anadan jastaı qalyp, Botagózdiń toǵyz jastaǵy aǵasy men tórt jasar inisin týystary shırek ǵasyr buryn balalar úıine ótkizgen eken.
«Júregim tipti tolqyp qýanyp inimniń tabylǵanyna..qýanyp otyrmyn ózim shynymdy aıtsam..raqmet. Tabylǵanyna shúkir... İnim 4 jasta ketken. Ol kezde onsha sóıleı almaıdy, shamaly saqaýlaý tuǵyn. Sol tórt jasta detdomǵa ótkizdi. Temirlanǵa ótkizgem dedi ,ákemniń inisi ótkizgen. Odan keıin ol jaqqa izdep bardyq. Ol jaqta «bireý asyrap aldy dedi, biraq onyń adresi joq»,-deıdi Túrkistan oblysynyń turǵyny Botagóz Tolybaeva.
Arhıvten taýyp bere almady bizge. Botagóz inisin kóp izdegenin aıtady. Biraq polısıa kómegine júginbepti. Sońǵy eki jylda polısıaǵa da júgingen. 29 jastaǵy inisin Tóle bı aýdanyndaǵy jeke sharýashylyqtardan tártip saqshylary taýyp bergen. Jergilikti turǵynnyń biri quqyq qorǵaýshylarǵa, jas jigittiń tutqynda júrgenin habarlapty.
«Qazirgi tańda azamatqa jábirlenýshige qatysty aryzy boıynsha 126 bappen tergep tekserý amaldary júrgizildi. Sot medısınalyq saraptamalar, taǵy da birneshe saraptamalar taǵaıyndaldy. Sonyń nátıjesinde zańdy sheshim qabyldanady»,-dedi Túrkistan oblystyq PD Krımınaldyq polısıa basqarmasynyń bastyǵy Sultanbek Úsipbekov.
Polısıanyń dereginshe, baýyrlarynan bala kúninde ajyrap qalǵan jigit ata-anasynyń qaıtys bolǵanyn, óziniń birge týǵandary bar ekenin beıhabar ekenin aıtqan. Balalar úıinen soń arnaıy ınternatta tárbıelengen. Es bilgeli aýdan aýyldarda qonys aýdaryp, árkimge jaldanyp jumys istep kelgen kórinedi. Qazir bul isti qolǵa alǵan oblys polıseıleri «Zańsyz bas bostandyǵynan aıyrý» baby boıynsha tergep tekserý jumystaryn bastap ketti.